«Құрық порты» Түркияда зардап шеккендерге көмектеседі

«Құрық порты» ЖШС Түркия Республикасының 10 аймағын қамтып, адам шығынына әкелген жер сілкінісінен болған табиғи апат салдарынан зардап шеккендерге гуманитарлық көмек көрсетуге септесу туралы шешім қабылдады, деп хабарлайды Rail-news.kz.

Порт басшылығының шешімімен Қазақстан – Әзірбайжан – Грузия республикаларының аумағы арқылы транзитпен өтетін Өзбекстан Республикасынан шыққан гуманитарлық жүк тасымалдаушы көліктер Құрық портында баждар мен алымдардан босатылды.

Сондай-ақ Құрық порты Түркия тарапына тиісті құжаттарды дайындауға және 6 жүк көлігін жөнелту шараларын жылдамдатуға көмектеседі.