ҚТЖ 100-ден астам электровоз сатып алуды жоспарлап отыр
Парижде «Қазақстан темір жолы» ҰК» АҚ, «ҚТЖ-Жүк тасымалы» ЖШС, «ҚТЖ-Жолаушылар локомотивтері» ЖШС және Société Générale мен Natixis құрамындағы банктер синдикаты арасында Кредиттік келісімге қол қойылды, деп хабарлайды Rail-news.kz.
Қарыз отандық өндірушіден – «Электровоз құрастыру зауыты» ЖШС-ден 105 жүк және жолаушылар электровозын сатып алуға бағытталады. Локомотивтерді жеткізу 2023 жылдан 2029 жылға дейін жүзеге асырылады деп жоспарлануда. Бұл электровоздар тапшылығын азайтып, қазақстандық жүк жөнелтушілерге сапалы қызметтер көрсетуді қамтамасыз етеді.
Қарыз бойынша сыйақы мөлшерлемесі - EURIBOR +1,15%, мерзім - жеңілдікті кезең ұсыныла отырып 14 жылға дейін.
Кредиттік келісім Францияның қаржы министрлігі мен Қарызды сақтандырушы ретінде әрекет еткен BPIFrance мемлекеттік экспорттық-кредиттік агенттігінің қолдауымен жасалды.