Ұлттық нақышта безендірілген мерекелік пойыз жолға шықты
![](https://rail-news.kz/uploads/2023/03/06/JajiNadf9pJl0z879f2Iog7TT29fCxl6qm55eeT1.jpg)
Бүгін елорданың вокзал перронынан Астана – Алматы бағыты бойынша көктемгі жаңару мейрамы – Наурызға арналған №3/4 Тальго жолаушылар пойызы алғашқы рейсіне аттанды. Құрам вагондары этностильде безендірілген. Іс-шараның басты мақсаты – пойыз сапарларын жайлы, қызықты және танымдық ету, деп хабарлайды Rail-news.kz.
![](https://rail-news.kz/uploads/attachments/zha-8567-3024x2018-6405d4d85082f.jpg)
«Жолаушылар тасымалы» АҚ Бас директоры Жәнібек Тайжанов пен «Экспресс» филиалының басшылары алғашқы жолаушыларға «Сәт сапар» тіледі.
Күн сайын жолға шығатын мерекелік құрам сәуір айының соңына дейін жүреді. Тальго этнопойызы – «Жолаушылар тасымалы» АҚ мен Алматы қаласы әкімдігінің бірлескен жобасы. Бұл «Жолаушылар тасымалы» АҚ-ның алғашқы тақырыптық пойызы емес. Жаңа жыл мерекесінің алдында Астана – Бурабай курорты бағытында жүретін құрам безендірілген болатын.
![](https://rail-news.kz/uploads/attachments/zha-8619-3024x2018-6405d4df697b7.jpg)
![](https://rail-news.kz/uploads/attachments/zha-8591-3024x2018-6405d4e713b61.jpg)