Вагондағы өртті сөндіру бойынша оқу-жаттығуы өтті
Собственный корреспондент по Алматинской области
Алматы станциясында өрт сөндіру пойызының қатысуымен жолаушылар вагонынан шыққан өртті сөндіру бойынша жоспарлы өрт сөндіру-тактикалық оқу-жаттығулары өтті, деп хабарлайды Rail-news.kz.
Өртті сөндіруге «Жолаушылар тасымалы» АҚ мен «Южный» өңірлік филиалының, «ҚТЖ-Жүк тасымалы» ЖШС, «ҚТЖ» ҰК» АҚ – «Алматы магистральдық желі бөлімшесі» филиалының қызметкерлері, ТЖМ және денсаулық сақтау министрлігінің қызметкерлері қатысты. Іс-шараның мақсаты – өртті жою бойынша бірлескен іс-қимылдарды пысықтау.
Тактикалық ойластырылғандай оқыс оқиға отты дұрыс пайдаланбау нәтижесінде орын алған. Барлық қатысты бөлімшелер өрт орнына жедел жетіп үлгерді. Келісілген әрекеттер арқасында шартты өрт 17 минут ішінде сөндірілді. Оқу-жаттығудың барлық міндеттері мен мақсаттары орындалды.
Шартты өртті сөндіруге 61 маман мен бір өрт сөндіру пойызы қатысты.