Қазақ және өзбек теміржолшылары өзара іс-қимылды одан әрі дамыту мәселелерін талқыланды
Шымкент қаласында «ҚТЖ-Жүк тасымалы» ЖШС және «Узбекистон темир йуллари» АҚ делегацияларының екіжақты кездесуі өтті. Теміржол көлігі саласындағы өзара іс-қимылды одан әрі дамыту мәселелері талқыланды, деп хабарлайды Rail-news.kz.
Елдер арасында теміржол көлігімен жүк тасымалы өсімінің оң қарқыны атап өтілді. Осы жылдың екі айында Қазақстан мен Өзбекстан арасындағы жүк тасымалдау көлемі өткен жылдың сәйкес кезеңімен салыстырғанда 16% ұлғайып, 5,2 млн тоннаны құрады.
Мемлекетаралық түйісулерде 1,4 мыңнан астам пойыз қабылданып, 1,6 мың құрам тапсырылды. Өткен жылдың сәйкес кезеңімен салыстырғанда пойыздар қабылдау 5%, ал тапсыру 25% ұлғайды. Тараптар жүк айналымын арттыру бойынша бірлескен жұмысты жалғастыруға келісті.
Өзбек тарапы Сарыағаш – Келес мемлекетаралық түйісу пункті бойынша тасымалдау көлемін ұлғайту үшін жұп темір жолдарды ұзарту бойынша жұмыстар жүргізіліп жатқанын және екі жаңа электрлендірілген жолдың құрылысы жүргізіліп жатқанын хабарлады.
Қазақстандық тарап жүктерді жеткізу мерзімін екі есе қысқартқан Сарыағаш түйісу бағытында жүк тасымалдарын бағыттау жөніндегі жобаны іске асыру туралы айтып берді.
Кездесу қорытындысы бойынша «ҚТЖ-Жүк тасымалы» ЖШС мен «Узбекистон темир йуллари» АҚ арасында Хаттамаға қол қойылды.