Тараз станциясының вагон тексерушісі қырағылығы мен кәсібилігі үшін марапатталды
Жамбыл ЖТ бөлімшесінің басшылығы автотежегіштер бойынша вагон тексеруші Махмұд Насипуллаевты қырағылығы мен кәсібилігі үшін Алғыс хатпен марапаттады, деп хабарлайды Rail-news.kz.
2023 жылы 25 наурызда Тараз станциясында жүк пойызына техникалық қызмет көрсету кезінде Махмұд вагонның бүйір жақтауынан жарықшаны анықтады. Сол бетте вагон бірден ажыратылып, жөндеуге алынды. Мұндай ақаулар қозғалыс қауіпсіздігіне қауіп төндіреді және мамандардың назарын аударуды қажет етеді.
40 жастағы Махмұд Насипуллаев теміржол көлігінде 12 жылдан бері жұмыс істейді. 2006 жылдан бастап Жамбыл ЖТ бөлімшесінде вагон тексеруші. Тараз қаласының теміржол колледжін бітірген. Темір жолдағы еңбек жолын жылжымалы құрамды жөндеу бойынша слесарь болып бастаған. Бұл Махмұд Насипуллаевтың қырағылық танытқан бірінші сәті емес, ол 2018 жылы да осындай ақауларды анықтаған болатын.