ҚТЖ жазатайым оқиғалардың алдын алған қызметкерлерді марапаттады
ҚТЖ-да 2022 жылдың қорытындысы бойынша ықтимал қауіпті жағдайлардың алдын алуға қосқан үлесі үшін қызметкерлерді марапаттау рәсімі өтті, деп хабарлайды Rail-news.kz.
Бас жүлде Екібастұз локомотив пайдалану депосының локомотивтерді техникалық тексеру пунктінің аға шебері Алмас Гимадиевке берілді. Оған жақын және алыс шет елдерге 4 млн теңге тұратын отбасылық демалысқа жолдама берілді. Өткен жылы KTZ HSE «Өндірістік қауіпсіздік» (ИСПБ) мобильді қосымшасында Алмас қауіпсіздік бойынша дер кезінде орындалған 35 мінез-құлық диалогын рәсімдеді. Алмас Гимадиев теміржол көлігінде 16 жылдан астам жұмыс істейді, 2023 жылдың қаңтар айынан бастап «ҚТЖ-Жүк тасымалы» ЖШС локомотивтерді жөндеуді ұйымдастыру департаментінің менеджері. Ол үш қыздың әкесі.
Жыл сайын ҚТЖ-да өндірістік қауіпсіздік және еңбекті қорғау саласында өзін барынша белсенді көрсеткен қызметкерлер анықталады. 2022 жылдың қорытындысы бойынша Компанияның құрылымдық бөлімшелері мен еншілес ұйымдарынан 11 кандидатура ұсынылды. Олардың барлығы да «Өндірістік қауіпсіздік» жұмыс орнында жазатайым оқиғалардың алдын алу үшін ҚТЖ мобильді қосымшасының белсенді пайдаланушылары. Қосымша арқылы теміржолшылар еңбекті қорғау талаптарының бұзылуы, қауіпті әрекеттер мен жағдайлар, қауіпті жұмысты тоқтату қажеттілігі туралы хабарлайды.
«ҚТЖ» ҰК» АҚ бас инженері Батыр Котыревтың төрағалығымен ҚТЖ қызметкерлеріне сыйақы беру жөніндегі комиссия лайықтыларды іріктеп алды.
Шешім қабылдау кезінде комиссия қауіпті жағдайлардан болатын зардаптардың ықтималдығы мен ауырлығы, қызметкердің қосымшаны пайдаланудағы белсенділігі, рационализаторлық ұсыныстарды енгізу және т.б. сияқты критерийлерді ескерген.
2022 жылы ақшалай сыйлықпен 18,6 млн теңге сомасына 399 теміржолшы көтермеленді.