Астық тасымалы мен қауіпсіздігі ерекше бақылауда
«ҚТЖ-Жүк тасымалы» ЖШС астық жүктерінің сақталуын қамтамасыз етуге көп көңіл бөледі, деп хабарлайды Rail-news.kz.
Жыл сайын «Әскерилендірілген теміржол күзеті» ЖШС-мен (ӘТЖК) номенклатуралық жүктерді күзетуге шарт жасалады. Тасымалдау кезінде астық жүктерін әскерилендірілген күзет қызметкерлері алып жүреді.
Станцияларда ұрлықтың алдын алу мақсатында рейдтерді, кенеттен тексерулерді жүзеге асыру үшін теміржолшылар мен ӘТЖК қызметкерлері қатарынан мобильді топтар құрылып отыр. Станцияларда, вокзалдарда және перрондарда қосымша бейнебақылау камералары орнатылған. Локомотивтер сыртқы бақылау бейнетіркегіштерімен жабдықталуда.
ҚТЖ бұл орайда ІІМ және ИИДМ бірлесіп «ҚР темір жолында мүліктің қауіпсіздігі мен сақталу деңгейін арттыру жөніндегі жол картасын» іске асыруда. ҚР ІІМ-нің көліктегі полиция департаменті мен ҚТЖ басшыларының кездесулері тұрақты негізде өткізіліп келеді.