Қазақстан машина жасаушыларының XI форумында теміржол машина жасау мәселелері талқыланды
Қазақстан машина жасаушыларының XI форумының жұмысына мемлекеттік органдардың, ғылыми-зерттеу ұйымдарының және негізгі машина жасау кәсіпорындарының ("Локомотив құрастыру зауыты" АҚ, "Электровоз құрастыру зауыты" АҚ, "STADLER KAZAKHSTAN" ЖШС және т.б.) өкілдері қатысты, деп хабарлайды Rail-news.kz.
"Қазақстан темір жолы" ҰК" АҚ Директорлар кеңесінің төрағасы Ю. Лавриненко теміржол машиналарын жасауды дамыту бойынша секциялық отырысты ашты. Ол геосаяси жағдай және оның тасымалдау процесіне қатысушыларға әсері жағдайында "ҚТЖ" ҰК" АҚ-ның инфрақұрылымдық мүмкіндіктері шектеулі екендігін ескере отырып, теміржол машиналарын жасауды қолдаудағы мемлекеттің рөлін күшейту және саланы ынталандыру жөнінде шаралар қабылдау қажеттігін атап өтті.
Отырыста теміржол өнімдерінің бәсекеге қабілеттілігін арттыру, өндірісті оқшаулау, саланы цифрландыру, төмен көміртекті технологияларды дамыту мәселелері қаралды. Теміржол машина жасау кадрларын даярлауға және дамытуға баса назар аударылды.
"ҚТЖ" ҰК" АҚ бас инженері Б.Котырев тасымалдау процесін қамтамасыз ету тұрақтылығының негізгі кепілдерінің бірі сенімді, қолжетімді және бәсекеге қабілетті жылжымалы құрам, сондай-ақ инженерлік-техникалық қызметкерлердің кәсіби деңгейі болып табылатынын атап өтті.
Іс-шара барысында "Қазақстан темір жолы" ҰК" АҚ инфрақұрылымында пайдалану сынақтарынан өткен жаңа техника өндірушілеріне куәліктер салтанатты түрде тапсырылды.