ҚТЖ жобасы Үздік HR-жоба болып танылды және Human Сapital Days халықаралық форумының марапатымен марапатталды
Елордада өткен және ірі халықаралық компаниялардың HR-директорларын, салалық сарапшыларды, рекрутингтік пен консалтингтік компаниялар өкілдерін біріктірген Human Capital Days 2023 HR форумында бизнес-процестерді оңтайландыру және автоматтандыру нәтижесінде босатылған қызметкерлерді қолдау бойынша ҚТЖ әлеуметтік жобасы үздік деп танылды.
Форум мақсаты - шешімдер іздеу, тәжірибе алмасу, бизнес-ынтымақтастық, серіктестік және идеяларды жүзеге асыру үшін кәсіби алаң құру.
- Біз осындай маңызды алаңда ТМД ірі компаниялары үздік HR-жобаларының тұсаукесері өткізілгеніне өте қуаныштымыз, олардың арасында "Қазақстан темір жолы" ҰК" АҚ жобасы үздік деп танылып, түрлі елдер сарапшыларының назарын аударды. Біз теміржолшыларды ерте зейнетке шығару жобасының бірегейлігі туралы айтып, басқа компаниялардағы әріптестерімізбен тәжірибе алмастық, - деп атап өтті "ҚТЖ" ҰК" АҚ адам ресурстарын басқару департаментінің директоры Сәуле Истлеева.
Естеріңізге сала кетейік, бұл жоба бұрын да бірнеше ірі марапаттарға ие болған. Осылайша, ол "HR-бренді Орталық Азия" халықаралық сыйлығының 44 жобасы ішінде үздік атанды.