2023 жылдың басынан бері 350-ден астам бағыттама бұрмалары салынды
«ҚТЖ» ҰК" АҚ желісіндегі ағаш шпал бетонды және ақауы бар бағыттама бұрмалары жаңа темірбетон түріне ауыстырылуда. Биыл 1 наурызда жол жөндеу жұмыстары басталғалы 359 жаңа бағыттама бұрмасы салынды, деп хабарлайды Rail-news.kz.
Бағыттама салудағы қиын да қажырлы жұмыс процесі арнайы бөлінген "толаскез" кезінде ЕДК крандарын, жол дрезиналарын және мамандандырылған DESEС техникасын қолдану арқылы жүргізілуде.
Жөндеу барысында ескі бағыттама бұрмалары бұзылып, ластанған жер төсемі тазаланады, қиыршық тас төселіп, оның үстіне жаңа бағыттама бұрмалары салынады.
Бұрма салынған соң түзету жұмыстары жүргізіледі, сосын жол телімінде бастапқыда 25 км/с шектеулі жылдамдықпен пойыздар қозғалысы ашылады. Бұл — жөндеу жұмыстарын жүргізгеннен кейін пойыздар қозғалысы қауіпсіздігін қамтамасыз ету үшін жылдамдық бойынша талап етілетін нормалар. Пойыздар жылдамдығы жер төсемі қалыпты нормаға келіп, жол қайта түзетуден өткеннен кейін өз нормасындағы деңгейге көтеріледі.
Жылдың соңына дейін барлығы 634 бағыттама бұрмасы, сонымен қатар 108 мың шпал ауыстырылады. Жалпы 2023 жылы 1,1 мың км-ден астам темір жол жаңартылады. Инфрақұрылымды ағымдағы күтіп ұстау және жаңғырту бойынша жоспарлы жұмыстардың жүргізілуіне байланысты кейбір пойыздар кідіртілуі мүмкін.