Пресногорьковск станциясындағы локомотив бригадаларының демалыс үйіне жөндеу жүргізілді
Шекаралық Пресногорьковск станциясында локомотив бригадаларының демалыс үйі ғимаратына ағымдағы жөндеу жүргізілді. Мұнда ұзақ сапардан кейін Жаңа Есіл локомотив пайдалану депосы және Қорған локомотив депосының жұмысшылары демалып, қайта күш жинап, тынығады. Демалыс үйінде орташа есеппен айына 320 мыңнан астам демалады.
Үйдің жалпы ауданы – 400 шаршы метрден асады. Ғимаратта бөлмелерге ағымдағы жөндеу, санитарлық-тұрмыстық ғимаратқа жөндеу жүргізіліп (әжетхана және душ қабылдау бөлмесі), жабдықтар жаңартылды.
Машинистер мен олардың көмекшілерінің демалысы үшін жайлы және қолайлы жағдай жасалған. Психологиялық көмек беретін арнайы бөлме жабдықталды. Демалыс үйі қажетті жиһаздармен жабдықталған, төсек жайма жинақтары, орамал және басқа да заттармен қамтамасыз етілген.
Теміржолшылар атап өткендей, машинистің дұрыс демалуы мен көңіл-күйі – пойыздар қозғалысы қауіпсіздігінің басты кепілі.