ҚТЖ және Rhenus SE көлік-логистикалық салада ынтымақтастық орнатуға уағдаласты
«Қазақстан темір жолы» ҰК" АҚ және Rhenus SE неміс компаниясы өзара түсіністік туралы меморандумға қол қойды.
Тараптар Транскаспий халықаралық көлік бағдарымен жүк айналымын арттыру бойынша бірлескен жұмыстар жүргізуге ниетті.
Құжатта логистикалық орталықтарды дамыту, Ақтау және Құрық порттарындағы терминал қуатын арттыру саласындағы өзара іс-қимыл қарастырылады. Немістер тарапы Ақтау порты базасында контейнерлік хабті жобалау барысында техникалық және консультативтік қолдау көрсетеді.
Меморандум ТХКБ мүмкіндіктерін кеңейтуге қосымша серпін беріп,Қазақстанның транзиттік әлеуетін дамытуға ықпал етеді.
Анықтама:
Rhenus қоймалық қызмет көрсету, кедендік ресімдеу, кешенді логистикалық қызметтер көрсету бойынша жетекші еуропалық компаниялардың бірі болып табылады. Компания Орталық Азия елдерінде 30 жылдан астам уақыт бойына жұмыс істеп келеді.