ҚТЖ және DB әріптестікті дамыту туралы келісімге қол қойды

2023 жылы 20 маусымда Қазақстан Республикасы және Германия Федеративтік республикасы басшыларының қатысуымен өткен кездесуде «Қазақстан темір жолы» ҰК» АҚ және DB Engineering & Consulting GmbH арасындағы әріптестікті дамыту туралы Келісімге қол қойылды. 

Құжат бұрын орнатылған ынтымақтастықтың жалғасы болып табылады, соның аясында вагон паркін жаңарту бойынша іс-шаралар жүзеге асырылып, жолаушылар тасымалын жетілдіру бойынша жұмыстар жүргізілген болатын. 

Тараптар сервисті жақсарту, халық үшін көлік қызметтеріне қолжетімділікті арттыру бойынша бірлескен қызметтерді жалғастыруға ниетті. Темір жол, авто және авиакөлік түрлерінің қатысуымен «хабтік» жүйені енгізу жайы айтылуда.