Медпойыз-2023: іске қосылғаннан бері 27 мыңға жуық адам көмек алды
«Саламатты Қазақстан» медициналық пойызы ағымдағы жылдың 26 сәуірі мен 17 шілдесі аралығында Алматы, Павлодар, Ақмола, Солтүстік Қазақстан, Шығыс Қазақстан, Қостанай облыстарының, сондай-ақ Ұлытау, Жетісу және Абай облыстарының 47 шалғай станциясында болды.
27 мыңға жуық адам кәсіби медициналық көмек ала алды. Сондай-ақ, 1854 тұрғынға тегін заңгерлік және медиативтік көмек көрсетіліп, 318 медиативтік келісімге қол қойылды, өйткені биылғы жылы медициналық қызметкерлермен бірге пойызда медиаторлар мен заңгерлер де бар. Бұл туралы Астанада өткен брифингте «Самұрық-Қазына» АҚ компаниялар тобы қайырымдылық қызметінің бірыңғай операторы «Samruk-Kazyna Trust» әлеуметтік жобаларды дамыту қорының бас директоры Альфия Адиева хабарлады.
Әлеуметтік жоба – «Саламатты Қазақстан» медициналық пойызын «Samruk-Kazyna Trust» әлеуметтік жобаларды дамыту қоры «Samruk-Kazyna» АҚ компаниялар тобының атынан, ҚР Президенті жанындағы Әйелдер істері және отбасылық-демографиялық саясат жөніндегі ұлттық комиссияның және Денсаулық сақтау министрлігінің қатысуымен, «Әлеуметтік жобалар қоры» корпоративтік қорымен ынтымақтастықта іске асыруда.
Қазақстан Республикасы Президенті жанындағы Әйелдер істері және отбасылық-демографиялық саясат жөніндегі ұлттық комиссияның қолдауы арқасында алғаш рет азаматтардың мемлекеттік әлеуметтік қолдау алуы, зейнетақылар, жәрдемақылар, әлеуметтік төлемдер және атаулы әлеуметтік көмек алу құқықтарын қорғау мәселелері бойынша тегін консультациялар өткізілуде.
Аталған кезеңде «Саламатты Қазақстан» дәрігерлері шалғайдағы станциялардың 26618 тұрғынын, оның ішінде 6030 баланы, ересектерді – 20588 адамды тексерді.
Олардың ішінде шағын хирургиялық операциялар жүргізілді – 2423; жалпы практика дәрігері/терапевт/педиатр – 8041 адам; хирург – 10010; уролог – 7926; невропатолог – 8703; офтальмолог – 12622; ЛОР – 7728; акушер – гинеколог – 2488; стоматолог – 6435; кардиолог – 1489; психолог-56; ЭКГ өткізілді – 3737; УДЗ-7904; ФЛГ – 1161 және ЭхоКГ – 834.