ҚТЖ жол монтерлеріне 1000 гидравликалық домкрат жеткізілді
Осы жылдың соңына дейін гидравликалық домкраттардың тағы бір партиясын – 365 бірлікті сатып алу жоспарлануда, деп хабарлайды Rail-news.kz.
Бұл жол жұмыстарының барлық жерде механикаландырылғанына қарамастан, рельсті шпал торын және бағыттамалық бұрмаларды көтеру кезінде әлі де қажет және тиімді болып қала беретін жол құралының бір түрі.
"ҚТЖ" ҰК" АҚ жылжымалы құрам және механикаландыру департаментінің директоры Андрей Шаповаловтың айтуынша, гидравликалық домкрат жұмыс істеуге ыңғайлы, сенімді және сонымен бірге құрылымы жағынан салыстырмалы түрде қарапайым.
- Гидравликалық домкраттың жұмыс денесі минералды май болып табылады. Жоғары қысымды гидравликалық механизмдердің конструкцияларындағы май механизмнің салыстырмалы түрдегі ықшамды өлшемдерінде жүздеген есе күшке ие болуға мүмкіндік береді. Сонымен қатар, ол тасымалдауға өте ыңғайлы, - деді ол.
Келіп түскен жаңа домкраттар қазақстандық зауыттарда өндірілді. Оларды жол монтерлері жақсы бағалап отыр.