«ҚТЖ» ҰК» АҚ-да 40 мыңға жуық жас маман жұмыс істейді
Корреспондент газеты «Қазақстан теміржолшысы»
«ҚТЖ» ҰК» АҚ-да 35 жасқа дейінгі 40 мыңға жуық қызметкер жұмыс істесе, бұл барлық теміржолшылар ұжымының үштен бірін құрайды.
Компаниядағы жастармен жұмыстың негізі «ҚТЖ» ҰК» АҚ жастар саясаты бағдарламасы болып табылады. Бағдарлама шеңберінде кәсіби дағдыларды жетілдіруге, корпоративтік рухты көтеруге, жастарды тарту жүйесін дамытуға, оны тиімді бейімдеу мен бекітуге, корпоративтік міндеттерді шешуге тартуға, халықаралық жастар ынтымақтастығын дамытуға, рухани-адамгершілік, патриоттық тәрбие беруге, сондай-ақ салауатты өмір салты мен спорт құндылықтарын ілгерілетуге бағытталған іс-шаралар өткізіледі.
Басшылықтың қолдауы арқасында теміржолшылар жоғары деңгейдегі жарыстарда марапаттар мен атақтарға қол жеткізеді. Қазақстан теміржолшылары Ташкентте (Өзбекстан) өткен Түркі мемлекеттерінің спартакиадасының жеңімпаздары атанды. «ҚТЖ» ҰК» АҚ-ның 13 қызметкері Астанада өткен Ironman Kazakhstan төртінші жарысына қатысып, үздік нәтижелер көрсетті. Теміржолшы-паралимпиадашы-Жамбыл жүк тасымалы бөлімшесі өндірістік-техникалық бөлімінің инженері Дәурен Мадижан Пауэрлифтингтен ел чемпионатында екінші орынға ие болды. 29 жастағы Семей жолының монтері (ПЧ-39) Еркебұлан Ахмадиев Абай күні «Семей-Бөрілі» бағыты бойынша 80 шақырымды 7 сағат 20 минут 21 секундта жүгіріп өтіп, лайықты үшінші орынды иеленді.
ҚТЖ жас қызметкерлері игі істерден тыс қалмайды. Олар сенбіліктерге, акцияларға қатысып, еріктілер ретінде ардагерлерге, өмірлік қиын жағдайға тап болған әріптестеріне көмек көрсетіп келеді.