Ұлттық тасымалдаушы бірнеше бағыт бойынша күзгі теміржол билеттеріне жеңілдіктер береді

Ағымдағы жылдың 18 қыркүйегінен 26 қазанына дейін және 6 қарашасынан 7 желтоқсанына дейін «Жолаушылар тасымалы» АҚ Тальго пойыздарында үш теміржол бағыты бойынша жеңілдіктер енгізеді:

•  № 79/80 «Астана – Арқалық» - билет құнынан 20% жеңілдік;
•  №81/82 «Астана – Қостанай» - 30%;
•  №65/66 «Астана – Жезқазған» - 40%.

 Жеңілдікпен билеттерді ресми www.bilet.railways.kz сайттан және «ҚТЖ билеттері» мобильді қосымшасы арқылы (андроид-платформасында қол жетімді) сатып алуға болады.

Сондай-ақ, жолаушылар «Алтын» және «Күміс» жеңілдік карталарын қолдана отырып, жеңілдік мөлшерін 55% дейін арттыра алады.

Жеңілдіктер туралы қосымша ақпаратты 1433 тегін нөмірі және «ktzh_pp_bot» Телеграмм-боты арқылы алуға болады.