Ақтауда "ТХКБ 2023: цифрландыру дәуіріндегі инновациялар мен даму" бизнес-форумы өтті
2023 жылғы 29 қыркүйекте Ақтауда Транскаспий халықаралық көлік бағдарының (ТХКБ) өңіріндегі серпінді өзгеріп жатқан жағдайға арналған және 10 елден қатысушыларды жинаған "ТХКБ 2023: цифрландыру дәуіріндегі инновациялар мен даму" бизнес-форумы өтті.
Іс-шара барысында нарықтың өзекті сын-қатерлері, инвестициялық ынтымақтастықты жандандыру, сауда-экономикалық байланыстарды кеңейту талқыланды.
Қазақстан президенті Қасым-Жомарт Тоқаев еліміздің көлік және транзиттік әлеуетін дамытуға және ағымдағы жылы 10 жылдығы атап өтілетін ТХКБ арқылы жүк ағынын ұлғайту қажеттілігіне ерекше назар аударып келеді.
Қатысушылар негізгі инфрақұрылымдық жобаларды жан-жақты зерттеп біліп, өңірлік көлік-логистикалық бизнестегі жаңа қарқынға табысты бейімделудің стратегиялық шешімдері мен инновациялық тәсілдерін талқылады. Қазір көлік-транзиттік коммуникациялардың әлеуетін арттыру және олардың мүмкіндіктерін барынша пайдалану өте маңызды болып отыр.
Жалпы, "ТХКБ 2023" жедел цифрландыру жағдайында Транскаспий халықаралық көлік бағдарын, саланы дамытуға шешімдер қабылдау, бизнес-стратегияларды бейімдеу және белсенді бірлесіп қатысу алаңы болды.
Бұдан басқа, "ТХКБ "ХҚ" ЗТБ жаңа мүшелерімен шарттарға қол қою рәсімі және "Мультимодальды тасымалдау және цифрландыру", "Инфрақұрылым - теміржол, автомобиль және теңіз көлігі"панельдік сессиялары өтті.
Сессия барысында ТХКБ-ның негізгі буыны болып табылатын "ҚТЖ" ҰК" АҚ рөлі атап өтілді. 2023 жылғы қаңтар-тамызда ТХКБ бойынша теміржол көлігімен жүктерді тасымалдау қарқыны өткен жылдың сәйкес кезеңімен салыстырғанда 85,3% өсмді көрсетті және 1,7 млн тоннадан астамды құрады.
Бұдан басқа, Ақтауда ТХКБ-ны дамыту жөніндегі жұмыс тобының және "ТХКБ" ХҚ" ЗТБ жалпы жиналысының отырысы өтіп, фидерлік Кемелерді пайдалана отырып, ТХКБ бойынша контейнерлік пойыздар құрамында жүктерді тасымалдауды ұйымдастыру кезіндегі өзара іс-қимыл және жауапкершілік шаралары туралы келісімге және Каспий теңізі порттарының арасындағы фидерлік кемелердің қатысуымен тікелей халықаралық теміржол-су қатынасында контейнерлік тасымалдауды ұйымдастыру туралы келісімге қол қойылды.
Отырыстың басты тақырыбы елдер арасындағы, оның ішінде сауда және көлік сияқты салалардағы ынтымақтастықтың жаңа бағыттары болды. Өңір елдері маршруттарды әртараптандыру және түрлі инфрақұрылымдық және логистикалық жобаларды дамыту үшін белсенді шаралар қабылдауда.
Іс-шараны "Қазақстан темір жолы" Ұлттық компаниясы" АҚ, "Транскаспий халықаралық көлік бағдары" Халықаралық қауымдастығы" ЗТБ ұйымдастырды.
