Достық станциясы қиын климаттық жағдайларда пойыздарды тапсырады және қабылдайды
Осы жылдың 9 айында Достық – Алашаңқай (ҚХР) өткелі арқылы жүк айналымы өткен жылдың сәйкес кезеңімен салыстырғанда 17% өсіп, 11,8 млн тоннаны құрады. Оның ішінде импорт - 3,3 млн тонна (+4%), экспорт 8,5 млн тонна (+24%) мәніне жетті.
Достық станциясы еліміз темір жолының негізгі көлік тораптарының бірі болып табылады. Ол арқылы жүктер Қытайға, Еуропаға және кері қарай жүреді. Станция қызметкерлері күн сайын ҚХР-ға 15 пойыз тапсырады.
Станциядағы жұмыс белгілі бір қиындықтармен бірге жүреді. Қыста және күзде Көктұма - №16-шы разъезд – Ақтоғай–Достық теміржол учаскесінде теміржолшылар ауа райының қиын жағдайында жұмыс істейді. Мұндағы климат – күрт континенталды. Жазда температура +50С°, қыста –50С° аралығында болады.
Станция Жоңғар қақпасының қазақстандық жағында орналасқан, олар шаңды, құмды және кейде тіпті ұсақ тастарды суырып соғатын дауыл мен екпінді желдің (70 м/с дейін) пайда болуына ықпал етеді. Соққан жел теміржол көлігінің жұмысын қиындатып, учаскенің өткізу қабілетіне әсер етеді.
Станция қызметкерлері табиғи әсерді азайту, тасымалдаудың қауіпсіздігі мен уақтылығын қамтамасыз ету үшін қолдан келгеннің бәрін жасауда.
Жалпы, осы жылдың 9 айында ҚХР мен Қазақстан арасындағы тасымалдау көлемі 22% өсіп, 21,1 млн тоннаны құрады. Экспорт 31%, ал импорт 10% өсті.