«Қауіпсіздік сақшылары»: назар аударарлық жайт – пойыздар қозғалысы қауіпсіздігі ревизорлық аппараты
«ҚТЖ» ҰК» АҚ қызметкерлерін оқыту және дамыту орталығында «ҚТЖ»ҰК»АҚ «Қауіпсіздік сақшылары» қозғалыс қауіпсіздігі бойынша ревизорларға арналған корпоративтік даму бағдарламасы басталды.
Компанияның сыртқы және ішкі жаттықтырушыларын тарта отырып, 100 қозғалыс қауіпсіздігін тексеруші (50 адамнан тұратын екі ағын) біріктірілген форматта (онлайн/офлайн) оқытуды бастады.
Салтанатты ашылу рәсіміне «ҚТЖ» ҰК» АҚ Аппарат басшысы Серік Кеулімжаев, Қозғалыс қауіпсіздігі департаментінің директоры Марат Шәкенов, Техникалық саясат департаментінің бас инженер – директоры Батыр Котырев және адам ресурстарын басқару департаментінің директоры Сәуле Истлеева қатысты.
Бағдарлама кәсіби құзыреттілікті дамыту, кәсіби қоғамдастық құру, қозғалыс қауіпсіздігі бойынша компания негізгі кәсіптерінің бірі – ревизорлардың жеке және командалық тиімділігін арттыру арқылы өндірістік қауіпсіздік деңгейін көтеруге бағытталған.
Қозғалыс қауіпсіздігі ревизоры –теміржолдағы бақылаушы және аудитор ретінде, одан бірде бір нұсқаулықты бұзушы құтылмайды. Бұл мониторинг және тексеру нәтижелері бойынша шешім қабылдауды, қозғалыс қауіпсіздігі бұзылуының алдын алуды ұйымдастыруды және теміржолдағы қауіпсіздікті қамтамасыз ету үшін жоспарлы-түзету іс-әрекеттерінің тиімділігін бағалауды талап ететін өте жауапты жұмыс.
Бұл модульдік бағдарлама тексеру аппараты қызметкерлерінің функционалдық құзыреттерін ескере отырып, олардың кәсіби құзыреттіліктерінің матрицасы негізінде әзірленген және кәсіби және жеке - іскерлік құзыреттерін дамытуды көздейді. Бірінші модульде ревизорлар қозғалыс қауіпсіздігінің бұзылуын тиімді тергеу және тексерулер жүргізу, бұзушылықтарды түзету шараларын әзірлеу және құжаттау, қозғалыс қауіпсіздігін басқару және тәуекелдерді басқару жүйесінің тиімділігі мен нәтижелілігін бағалау саласындағы өз құзыреттерін арттырады.
Екінші модульдің онлайн форматында ревизорлар цифрлық дағдылар, жанжалдарды басқару, үнемді өндіріс және стресске төзімділік тақырыптары бойынша оқытылады. Бағдарлама аяқталғаннан кейін жобаны сәтті қорғағаннан кейін оқытудың барлық қатысушыларына біліктілікті арттыру туралы сертификаттар беріледі.