ҚТЖ сұйытылған газды үздіксіз тасымалдауды қамтамасыз етуде
«ҚТЖ» ҰК» АҚ жүк жөнелтушілердің барлық өтінімдерін 100% орындауда, көлемдер әкетіліп, бос цистерналардың қорлары тиеуге бірнеше тәулік бұрын әкелінеді.
Қазан айында барлық өңірлерге 140 мың тонна СТГ жеткізіліп, жоспар 100% орындалды.
Қараша айында жоспар 160 мың тонна деп жарияланса, 7 күн ішінде 35 мың тонна тиеліп, жоспардың орындалуы 107% құрады.
Жеткізу мерзіміне жүк жөнелтушілердің өңірлер бойынша газды біркелкі емес, біртіндеп және қарсы тиеуі әсер етеді.
«ҚТЖ» ҰК» АҚ уәкілетті органның, Қазақстан Республикасы Энергетика министрлігінің логистиканы қалыпқа келтіру үшін кешенді шаралар қабылдау қажеттігін бірнеше рет атап көрсетті, алайда осы уақытқа дейін тиісті шаралар қабылданған жоқ.
Сонымен қатар, Энергетика министрлігі өңірлер әкімдіктерімен бірлесіп, газды тиеп-жөнелтуге жеткілікті квоталар бөлуді пысықтауы қажет болатын.
Мәселен, қазан айында АМӨЗ жөнделуіне және квоталарды уақтылы түзетпеуіне байланысты СТГ-ны Шымкент, Астана, Қызылорда және Атырау сияқты өңірлерге жөнелтуге өтінімдер беруде үзілістер болды.
«ҚТЖ» ҰК» АҚ-да мұнай өнімдерін тасымалдау жөніндегі штаб тәулік бойы жұмыс істейді, вагондардың қозғалысы ерекше бақылауда.
Тиелген және бос вагондарды жылжыту үшін жеке диспетчерлер бөлінген, жылжымалы құрамның нормативтік айналымы қамтамасыз етілген.