Салалық жоғары оқу орындары мен колледж оқытушылары ҚТЖ-да біліктіліктерін арттырды
Орта кәсіптік және жоғары оқу орындары оқытушылары үшін «ҚТЖ» ҰК» АҚ – «Теміржол көлігі персоналын бағалау және дамыту орталығы» филиалында біліктілікті арттыру курстары аяқталды.
ҚТЖ-да өз біліктілігін Астана, Павлодар, Алматы, Ақтөбе қалаларының 11 бейінді оқу орындарынан 38 оқытушы арттырды. Оқыту теміржол көлігінде қолданылатын инновациялық және заманауи технологияларға арналды. Тыңдаушылар орталықтың заманауи оқу жабдықтарымен танысты. Орталықтың өндірістік оқыту шеберлері өздерінің теориялық және практикалық білімдерімен бөлісті. ҚТЖ ішкі жаттықтырушылары жеке-іскерлік құзыреттілікті дамыту тренингтерін өткізді.
Алматы теміржол көлігі колледжінің оқытушылары атап өткендей, курс пайдалы әрі қызықты болды.
«Теміржолдағы тәжірибелі оқытушылар өзекті, «жанды» кеңестерімен бөлісті. Мұндай оқыту курстары үлкен нәтиже береді, өйткені темір жол жетілдіріліп, жабдықтар жаңартылып отырылады, сондықтан да педагогтар заманымен қадам басуы маңызды», - дейді оқытушылар.
Оқыту Нұр-жол заманауи вокзал кешеніне, ҚТЖ орталық мұражайына және Тасымалдауды басқарудың өңірлік орталығына барумен аяқталды. Оқу орындарымен әріптестік және салалық жоғары оқу орындары мен колледждердің оқытушыларымен жүйелі жұмыс-саланы кәсіби кадрлармен қамтамасыз етудің негізгі құралдары.