ҚТЖ Қызылорда — Семей бағыты бойынша жаңа вагондарды іске қосты (Фото)
![](https://rail-news.kz/uploads/2024/04/09/QHQd3tuaR3PDPbGUTA8It4V6CHRnI2evgRBLeNDV.jpg)
2024 жылғы 9 сәуірде «Жолаушылар тасымалы» АҚ №21/22 «Қызылорда — Семей» жолаушылар пойызы құрамында жаңа вагондарды іске қосты, деп хабарлайды Rail-news.kz.
Маршрут бойынша 44 жолаушылар вагоны жүретін болады, оның ішінде 29 купе және 15 плацкарт, осылайша осы бағыт бойынша пойыздар 100% жаңартылады. Жолаушылардың жайлылығын қамтамасыз ету үшін вагондар ауаны баптау жүйесімен, ауаны тазарту сүзгілерімен, түтін датчиктерімен, биодәретханалармен, сондай-ақ тамбурлардағы бейнебақылау жүйесімен жабдықталған. Купеде электр розеткалары мен USB қосқыштары бар. Вагондарды құрастыру кезінде қолданылатын барлық материалдар мен компоненттер халықаралық сапа стандарттарына сәйкес келеді.
![](https://rail-news.kz/uploads/attachments/whatsapp-image-2024-04-09-at-150816-66151a2f77b57.jpg)
«Біз Ұлттық тасымалдаушының вагон паркін жаңарту бойынша жұмысты жалғастырудамыз. №21/22 «Қызылорда — Семей» пойызы күн сайын жүретін болады. Жолаушылар құрамы бір бағытта орта есеппен 528 жолаушыны тасымалдай алады», - деп атап өтті «Жолаушылар тасымалы» АҚ Басқарма төрағасы Жәнібек Тайжанов.
Естеріңізге сала кетейік, 2023 жылы Ұлттық тасымалдаушы 150 жаңа вагон жеткізуге келісімшартқа қол қойды, оның 88-і вагон паркін толықтырды. Олар Алматы-Манғыстау, Алматы-Атырау, Атырау-Манғыстау, Ақтөбе-Атырау, Павлодар-Түркестан, Манғыстау-Астрахань, Атырау-Астрахань, Қызылорда-Семей бағыттары бойынша жүріп жатыр. Бұл өзгерістер вагондардың жайлылығына, қызметіне және ыңғайлылығына қанағаттанған жолаушылардан оң баға алды.
2024 жылдың бірінші жартыжылдығында Қызылорда — Семей және Алматы – Сарыағаш бағыттарында пайдаланылатын тағы 12 вагон жеткізіледі деп күтілуде. Биыл мемлекеттік органдармен тағы 157 жолаушылар вагонын сатып алу бойынша жобаны қаржыландыру мәселесін пысықтау жоспарлануда.
![](https://rail-news.kz/uploads/attachments/whatsapp-image-2024-04-09-at-150815-66151a3d58a95.jpg)
Сонымен қатар, 2022 жылы 2025 жылдан 2030 жылға дейін Stadler технологиясының 537 жолаушылар вагонын сатып алуға шарт жасалды.
2030 жылы жоспарланған барлық іс-шараларды ескере отырып, вагондардың орташа қолданыстағы жылы 18-ден 13 жылға дейін төмендейді.
![](https://rail-news.kz/uploads/attachments/whatsapp-image-2024-04-09-at-150817-66151a4629057.jpg)
![](https://rail-news.kz/uploads/attachments/whatsapp-image-2024-04-09-at-150819-66151a4cd919f.jpg)
![](https://rail-news.kz/uploads/attachments/whatsapp-image-2024-04-09-at-150810-66151a54974f2.jpg)