Теміржолшылар жемқорлыққа қарсы мәселелер бойынша оқудан өтті
Өткен жылы "ҚТЖ-Жүк тасымалы" ЖШС-ның 30 мыңнан астам қызметкері сыбайлас жемқорлыққа қарсы іс-қимыл саласында оқудан өтті.
Бұл жұмыс сыбайлас жемқорлыққа қарсы мәдениетті қалыптастыру шеңберінде және қызметкерлердің хабардарлығы мен ақпараттандырылуын арттыру мақсатында жүргізілді. Семинарлардың басты тақырыптары - "ҚТЖ-Жүк тасымалы" ЖШС-ның Сыбайлас жемқорлыққа қарсы іс-қимыл саясаты" және "ҚТЖ" ҰК" АҚ және оның еншілес ұйымдарының әдеп пен мінез-құлық кодексі". Олардың өтуі нәтижелері бойынша тестілеу өткізілді.
Ашықтықты және ақпаратқа тең қолжетімділікті қамтамасыз ету мақсатында ЖШС-ның ресми сайтында "Комплаенс" бөлімінде "Самұрық-Қазына" АҚ-ның "жедел желілерінің" нормативтік құжаттары мен байланыстары орналастырылған.
Өңірлік жүк тасымалдау бөлімшелерінде айдың бірінші дүйсенбісінде профилактикалық "Сыбайлас жемқорлыққа қарсы күн", өндірістік кеңестерде - "Сыбайлас жемқорлыққа қарсы минут" өткізіледі.
Әкімшілік ғимараттарда "Самұрық-Қазына" АҚ, ҚР Сыбайлас жемқорлыққа қарсы қызметінің және "е-Otinish" ақпараттық жүйесі "жедел желілерінің" телефон нөмірлері орналастырылған. "Параға жол жоқ" профилактикалық тақтайшалары құрылымдық бөлімшелер басшылығының қызметтік кабинеттерінің кіреберіс есіктерінде орнатылған. Барлық жасалатын шарттарға "Сыбайлас жемқорлыққа қарсы ескерту" бойынша норма енгізілген.