Жолаушылар пойызындағы багажды тасымалдау ережесі
Жүк багажын пойызбен тасымалдау ыңғайлы әрі жүктерді жеткізудің қауіпсіз әдісі болып есептеледі. Ыңғайлы саяхатты қамтамасыз ету үшін жолаушылар қол жүгінің белгіленген салмағы мен мөлшерін сақтауы керек. Осы ережелерді асып кеткен жағдайда, «Жолаушылар тасымалы» АҚ жолаушыларға багаж тасымалының арнайы қызметін пайдалануды ұсынады.
ҚР Индустрия және инфрақұрылымдық даму министрлігі бұйрығына сәйкес жолаушылар пойыздарында қол жүгін тегін тасымалдау нормалары белгіленген. Атап айтқанда, «Тұлпар-Тальго» вагондарынан құрылған құрамдар үшін салмағы 25 килограмға дейін және өлшемдері 150 сантиметрден аспайтын багажды үш өлшем сомасында тегін тасымалдауға болады. Қалған вагондар үшін қол жүгінің рұқсат етілген салмағы 35 килограмға дейін, ал өлшемдері 200 сантиметрге болу керек.
Сондай-ақ, қол жүгін орналастыруға арналған орындарға сыйған жағдайда жолаушыларға балаларға арналған арба, байдаркаларды, моторсыз велосипедтерді тасымалдауға рұқсат етіледі. Мүмкіндігі шектеулі жолаушыларға өздерімен бірге жеке пайдалануға арналған техникалық көмекші құралдар мен арнайы жүріп-тұру құралдарын қосымша тегін алып жүруге болады.
Қол жүгін жолаушыларға арналған орындарда және олардың арасындағы өткелдерде, вагондардың дәліздері мен тамбурларында орналастыруға жол берілмейді.
Ережелерде көрсетілген нұсқаулардан асып кеткен жағдайда жолаушыларға багажды тасымалдау қызметін пайдалану ұсынылады. Артық қол жүгін немесе жүк-багажын тасымалдауды рәсімдеу үшін жолаушылар пойыз жөнелтілгенге дейін бір сағат бұрын теміржол вокзалында орналасқан багаж бөлімшесіне уақтылы жүгінуі қажет. Багаждың салмағы 10 кг-нан асуы керек.
Ұлттық тасымалдаушы мұндай қызметтерді №33/34 «Ақтөбе-Алматы», №41/42 «Алматы-Атырау», №77/78 «Алматы-Маңғышлақ», №691/692 «Ақтөбе-Атырау» және №9/10 «Алматы-Астана» бағытарында ұсынады. Артық багажды желсеріктер арқылы жіберу заңсыз әрекет екен және әкімшілік салдарға әкеліп соқтырадц.
Жүк багажын тасымалдаудың толық ережелерін 1433 тегін нөмірі және bilet.railways.kz сайтындағы «Жолаушылар» бөлімінде қол жетімді.