ҚТЖ мен CRRC келісімі шеңберінде алғашқы маневрлік локомотивтер Алтынкөл станциясына толық жеткізілді
![](https://rail-news.kz/uploads/2024/07/02/Pi8c4yHg0f6W5ROiOaWFXH4Ik4pMpxruh5daLDIl.jpg)
Президент Қасым-Жомарт Тоқаевтың Қытайға ресми сапары кезінде CRRC-пен 2023 жылғы 17 қазанда қол қойылған ынтымақтастық туралы келісім шеңберінде Алтынкөл станциясында мерзімінен бұрын қабылдап алынған алғашқы маневрлік тепловоздарды қабылдаудың ресми рәсімі өтті, деп хабарлайды Rail-news.kz.
Келісім аясында 100 маневрлік және 100 магистральдық локомотив жеткізіліп, Қазақстанда жылжымалы құрамға қызмет көрсету сервистік орталықтарын ашу және инжинирингтік орталық құру жоспарлануда.
![](https://rail-news.kz/uploads/attachments/whatsapp-image-2024-07-02-at-130654-6683b9e72596e.jpg)
Маневрлік тепловоздар жақсартылған құрылымдық және тарту параметрлеріне ие. Олар Қазақстанның климаттық жағдайларын ескере отырып жасалған және — 40 °C-тан +50°C-қа дейінгі температурада жұмыс істей алады. Салмағы 135 тонна. Дизель-генератор қондырғысы ҚР-да қабылданған экологиялық стандарттарға сәйкес келеді.
Қазақстан темір жолдары мен СRRC қытайлық корпорацияның ынтымақтастық тарихы 20 жылдан асады. Бүгін қарым-қатынас жаңа деңгейге көтерілді. Жаңа буын гибридті локомотивінің жобалануы аяқталуда және де 2025 жылы оның өндірісі қолға алынады деп күтілуде.
CRRC Corporation Limited – әлемдегі ең ірі теміржол көлігі өндірушісі, ол әлемдік локомотив өндірісі нарығының шамамен 50% иеленеді.