ҚТЖ мен Үрімші темір жолының басшылары инфрақұрылым мен жүк тасымалын дамыту перспективаларын талқылады

 Үрімші қаласында (ҚХР) Қазақстан мен Қытай шекаралық темір жолдары аралас комиссияларының 33-ші кеңесі өтті.

Кездесуге қатысушылар осы жылдың 9 айында ҚР мен ҚХР арасындағы шекаралық теміржол өткелдерінің жұмысын қорытындылап, 2024 жылдың соңына дейін тасымалдау жоспарларын талқылады және 2025 жылға арналған жүктерді тасымалдаудың алдын ала көлемін келісті.

Сонымен қатар, тараптар жүк және контейнерлік пойыздардың 2024-2025 жылдарға арналған қозғалыс кестесін келісті. Кеңес барысында Алашаңқай және Достық шекара станцияларын жаңғырту және қайта құру, Достық-Мойынты учаскесінде екінші жол салу мәселелері қаралды.

Тараптар шекара маңы инфрақұрылымындағы жұмыстар аяқталғаннан кейін 2025 жылы жүктерді тасымалдау көлемін ұлғайту туралы уағдаластыққа қол жеткізді, атап айтқанда, Қытай тарапы экспорттық жүктерді қабылдауды ұлғайтуға дайын екенін мәлімдеді.

Кеңес қорытындысы бойынша кездесу хаттамасына қол қойылды.