Тепловоздардың отын шығынын азайту режимі әзірленуде

Qarmet компаниясының Қарағанды тиеу-тасымалдау басқармасының мамандары Қарағанды техникалық университетінің ғалымдарымен бірлесіп, жүк пойыздарын жүргізу кезінде отын шығынын едәуір азайтатын тепловоздарды басқарудың оңтайлы режимдерін әзірлеуде, деп хабарлайды Rail-news.kz.

Нәтиже негізінде машинистерге арналған арнайы әрекет алгоритмі жасалады. Бұл алгоритм отын шығынына әсер ететін барлық факторларды ескере отырып, тепловозды әр кезеңде тиімді басқаруға мүмкіндік береді.

Бұл алгоритм экономикалық тиімділікті арттыру құралы ғана емес, қоршаған ортаға экологиялық жүктемені азайтудың маңызды қадамы болмақ.

Осының нәтижесінде – жылына 50 тоннаға дейін дизель отынын үнемдеу жоспарланған.