ҚТЖ-да қызметкерлердің әлеуметтік-экономикалық әл-ауқатын жақсарту мәселесі айтылды

Соңғы үш жылда компанияда қызметкерлердің әлеуметтік-экономикалық жағдайын жақсарту бойынша үлкен жұмыс жүргізілді, деп хабарлайды Rail-news.kz.  

Өткізілген іс-шаралар төмен ақы төленетін кәсіптердің жалақысын сараланған арттыру, өңірлік коэффициенттерді ең жоғары облыстық деңгейге дейін теңестіру және мереке күндеріне сыйлықақы төлеу есебінен өндірістік персонал қызметкерлерінің жалақы деңгейін едәуір арттыруға мүмкіндік берді.

Ағымдағы жылы 2024-2026 жылдарға арналған жаңа Ұжымдық шарт бекітілді. Құжатта қолданыстағы әлеуметтік жеңілдіктер мөлшерін орта есеппен 20-50% ұлғайту көзделген. Осы мақсаттарға арналған жылдық бюджет 20 млрд. теңгеден 25 млрд. теңгеге дейін ұлғайды.

Теміржолшылардың әл-ауқатын арттыру бойынша жоспарлы іс-шараларды іске асыру үшін, айтарлықтай қаржылық жүктемеге қарамастан, компания 2025 жылы бірқатар іс-шараларды жүзеге асыруға ниетті. 2025 жылғы 1 қаңтардан бастап желілік кәсіпорындардың барлық қызметкерлеріне жалақыны 7% арттыру жоспарлануда. Сондай-ақ мереке күндеріне біржолғы сыйлықақыларды төлеу практикасы жалғасады.  

Еңбекке қатысу коэффициенті қағидаты бойынша өндірістік персоналға сыйлықақы беруді дамыту бойынша жұмыс жалғасады - 2025 жылғы 1 қаңтардан бастап ЕҚК (еңбекке қатысу коэффициенті) бойынша ай сайынғы сыйлықақы мөлшері 10% немесе тоқсан сайын 30% құрайтын барлық қызметкерлерге мөлшері ай сайын 15% - ке дейін немесе тоқсан сайын 45% - ке дейін ұлғайтылатын болады.

Бұдан басқа, ведомстволық наградалардың 23 жаңа түрі енгізілуде, ай сайынғы 5-тен 10% -ке дейінгі үстемеақылармен және наградалардың түріне байланысты 30-дан 60 АЕК-ке дейінгі мөлшерде біржолғы ақшалай төлемдермен 10 қолданыстағы наградалардың ребрендингі жүзеге асырылды. Мысалы, теміржол саласындағы адалдығы мен көпжылдық еңбегі үшін төсбелгімен марапатталғандарға теміржол саласындағы жұмыс өтіліне байланысты жыл сайын біржолғы үстемеақы:  

 - "Теміржол саласында 10 жыл мінсіз қызметі үшін" 100 000 теңге мөлшерінде;

- "Теміржол саласында 20 жыл мінсіз қызметі үшін" - 200 000 теңге; - "Теміржол саласына 30 жыл мінсіз қызметі үшін" - 300 000 теңге төленетін болады.

Әлеуметтік пакетті жақсарту және теміржолшылардың қолайлы еңбек жағдайларын жасау бойынша жұмыстар жалғасады. "ҚТЖ" ҰК" АҚ елдегі ең ірі жұмыс беруші бола отырып, тұрақты негізде қызметкерлердің әл-ауқатын арттыру және еңбек жағдайларын жақсарту мәселелеріне ерекше назар аударып келеді.