Микропроцессорлық диспетчерлік әзірленуде
"ҚТЖ" ҰК" АҚ — "Магистральдық желі дирекциясы" филиалы темір жол автоматикасы құрылғыларының жай-күйін бақылау бөлігінде жұмысты жақсарту үшін микропроцессорлық диспетчерлік орталықтандыруды (МПДО) енгізу жөніндегі "ҚТЖ" ҰК" АҚ әзірлеген ауқымды жобаны іске асыруда, деп хабарлайды Rail-news.kz.
2024 жылы жоба Алматы, Шымкент, Арыс, Түркістан, Семей, Маңғыстау, Ақтоғай, Балқаш, Бурабай курорты, Астана, Көкшетау, Жаңа-Есіл, Тобыл, Қостанай сияқты негізгі тораптық станциялардағы маневрлік аудандар мен қуаттылығы аз төбешіктерді диспетчерлеуді қамтитын соңғы кезеңге шықты.
2025 жылы Екібастұз, Ерейментау және Павлодар, Жаңатас, Тараз, Шу станцияларында жұмыстарды орындау жоспарлануда.
Тораптық станцияларда МПДО енгізуді аяқтау пойыздар қозғалысын басқарудың тиімділігін арттыруды қамтамасыз ете отырып, цифрлық трансформациядағы маңызды қадам болды.
