Қазақстан мен Қытай теміржолшылары жүк тасымалының өсуін талқылады
2025 жылғы 24 ақпанда Бейжің қаласында "Қазақстан темір жолы" ҰК" АҚ басшылығы "Қытай темір жолдары" мемлекеттік корпорациясының басшысы Го Чжусюэ мырзамен кездесті, деп хабарлайды Rail-news.kz.
Тараптар 2024 жылғы темір жолдардың жұмысын қорытындылады. ҚР мен ҚХР арасындағы тасымалдау көлемі рекордтық 32 млн тоннаны құрады, өткен жылға қарағанда 13% өсті. 2025 жылдың қаңтарында өсім 18% құрады.
ТХКБ дамуына ерекше назар аударылды, ол бойынша тасымалдау көлемі өткен жылы 33 есе өсті. Ағымдағы жылдың наурыз айында қытайлық темір жолдарының "MIDDLE CORRIDOR MULTIMODAL Ltd." - ге (Қазақстан, Әзірбайжан және Грузин темір жолдарының бірлескен кәсіпорны) қосылуы маршруттың дамуына жаңа серпін береді.
Кездесу қорытындысы бойынша 2025 жылға арналған бірлескен жоспарлар бекітілді, жауапты орындаушылар анықталды және іс-шараларды іске асыру мерзімдері белгіленді. Ағымдағы жылдың 1 наурызынан бастап Алтынкөл-Қорғас шекара өткелі арқылы Қазақстаннан Қытайға пойыздарды тапсыруды тәулігіне 8–ден 15 пойызға дейін және ағымдағы жылдың 1 шілдесінен Достық-Алашаңқай шекара өткелі арқылы тәулігіне 14-тен 28 пойызға дейін ұлғайту келісілді. Бұл өсім экспорттық әлеуетті едәуір арттырады және отандық тауар өндірушілер үшін қосымша мүмкіндіктер ашады.
