Теміржолшылар «Наурызнама» жалпыұлттық онкүндігіне қосылды
ҚТЖ-ның бүкіл ел бойынша барлық филиалдарында «Наурызнама» онкүндігі аясында бөлімшелер аумағындағы этно-ауылдарды рәсімдеу, ұлттық тағамдардан дәм татқызу және сала ардагерлерін құттықтау сияқты түрлі іс-шаралар өтеді, деп хабарлайды Rail-news.kz.
Қайырымдылық акциялары ұйымдастырылады: қарттар үйінде дәстүрлі тағамдармен ауызашар, жәрмеңкеде өз қолыңызбен жасалған заттарды (пісірген, кәдесыйлар, қолөнер) сатуға немесе айырбастауға болады. Барлық түскен қаражат мұқтаж жандарға көмекке жұмсалады.
Сонымен қатар, жас теміржолшылар, корпоративтік еріктілер сала ардагерлеріне аулаларды қардан тазалау, жөндеу және сырлау бойынша көмек көрсетеді. Экологиялық бастамалар аясында «Ағаш отырғыз», «Аумақты тазала», «Жануарларға арналған баспанаға көмек» акциялары өтеді.
Сондай – ақ, «Ұлттық спорт – ұлт келбеті» спорттық мерекесі өтеді, онда компания қызметкерлері ұлттық спорт түрлері бойынша жарыстарға қатысады. Мәдениет және тарих мерекесі аясында: ұлттық дәстүрлердің тұсаукесері – «Өмір жолы: туу рәсімдері мен дәстүрлері» өтеді. Түрлі мәдениеттердің ұлттық киімдерін көрсету және Қазақстан халықтарының тағамдарымен, әндерімен және дәстүрлерімен танысу. «Ынтымақтастық, бірлік және келісім» акциясы Тобыл, Локоть, Достық, Сары-Ағаш және Ақжайық мемлекетаралық түйіспе станцияларында өтеді.
Наурызды жаппай мерекелеу Астанада «Нұрлы Жол» вокзал кешенінің жанында өтеді. Онкүндіктің соңғы күні 23 наурызда жалпыұлттық экологиялық акция өтеді.
Наурызнама – әр түрлі жастағы және әлеуметтік топтағы адамдарды біріктіретін, ұлттық дәстүрлерге деген бірлік, өзара түсіністік пен құрмет атмосферасын құратын бірегей мереке.
2024 жылы Қазақстан Президенті Қасым-Жомарт Тоқаевтың бастамасымен бекітілген «Наурызам» мерекесінің жаңа форматы Наурызды көпкүндік және мәдени оқиғаларға толы етеді.
Мерекенің әр күні белгілі бір тақырыпта өтеді: «Көрісу – Амал мерекесі» (сәлемдесу, жылы кездесулер және ізгі тілектер күні)," «Қайырымдық» (қайырымдылық күні), «Мәдениет және ұлттық салт-дәстүр» (мәдениет және ұлттық дәстүрлер күні), «Шаңырақ» (Отбасы күні), «Ұлттық киім» (Ұлттық киім күні), «Жаңару» (жаңарту күні), «Ұлттық спорт» (ұлттық спорт түрлері күні), «Ынтымақ» (бірлік және ынтымақтастық күні), «Жыл бассы» (Жаңа жыл) және «Тазару» (тазарту күні).