Теміржол жөндеуде заманауи техника қолданылуда
«Қазақстан теміржолшысы» газетінің тілшісі
«ҚТЖ» ҰК» АҚ серіктесі «Теміржолжөндеу» ЖШС жөндеу жұмыстарының сапасы мен қауіпсіздігін арттыру аясында ресейлік өндірістен шыққан жол өлшеу арбасының іске қосу-реттеу жұмыстарын жүзеге асыруда.
Бұл жабдық жол техникасы жүріп өткеннен кейін темір жолдың жай-күйін автоматтандырылған бақылауға алуға арналған. Яғни жолдың жай-күйін жедел диагностикалау; «ҚТЖ» ҰК» АҚ қолданыстағы нормативтеріне сәйкес параметрлерді өлшеу; автоматтандырылған режимде техникалық есептілікті қалыптастыру.
Жаңа техниканың 2000 жылдардың басында қолданылған модельдерден айырмашылығы, параметрлердің едәуір көп санын өлшеуді қамтамасыз етеді және функционалдық мүмкіндіктері бойынша жол өлшейтін вагондармен салыстыруға болады. Аталған техниканың рөлі күрделі жөндеу жүргізу барысында өте маңызды. Ал бұрын бұл жұмыс жол шаблондарын қолдана отырып жүзеге асырылған болатын.
Атап өтерлігі, жол өлшегіш арба мен вагон бір-бірін қайталамайды, керісінше қозғалыс қауіпсіздігін қамтамасыз ету процесінде бір-бірін толықтырады. Мердігерлік жұмыстар шеңберінде диагностиканың автоматтандырылған құралдарын қолдану пайдалану қауіпсіздігін арттырып қана қоймай, жөндеу іс-шараларының тиісті сапасын және ықтимал ауытқуларды уақытылы анықтауды қамтамасыз етеді.
«Теміржол жөндеу» ЖШС инфрақұрылымдық теміржол жобаларының тиімділігі мен сенімділігін арттыруға бағытталған жаңғырту және техникалық қайта жарақтандыру жөніндегі жоспарларды жүйелі іске асыруды жалғастыруда.