Теміржолшылар өткелдерде рейд жүргізуде
2025 жылдың бірінші жартыжылдығында теміржолшылар полициямен бірлесіп теміржол өткелдерінде 990 жуық профилактикалық рейд жүргізді. Іс-шаралар барысында 123 өткелден өтудің ережелерін бұзушылық анықталды, деп хабарлайды Rail-news.kz.
Ақпараттық-түсіндіру жұмысы аясында 44 мыңнан астам жүргізушіге өткел арқылы қауіпсіз жол жүру ережесі қаперге салынды. Жол қозғалысы ережелерін сақтаудың маңыздылығы туралы дәрістер 365 кәсіпорында 8508 қызметкерді қамтыды.
Теміржол өткелі — қателесудің бағасы жоғары болуы мүмкін қауіптілігі жоғары аймақ екендігіне ерекше назар аударылады.
Қауіпсіздік деңгейін арттыру үшін 76 өткелде көрініс жақсартылды, 153 үгіт материалдары — лозунгтар мен плакаттар орналастырылды.
ҚТЖ жүргізушілерді жол қозғалысы ережелерін қатаң сақтауға және темір жолдарды кесіп өту кезінде барынша сақ болуға шақырады.