Қазақстан Қытаймен арадағы теміржол жүгін өткізу қабілетін 25 миллион тоннаға арттырмақ
«Қазақстан темір жолы» ҰК» АҚ Басқарма төрағасы Талғат Алдыбергенов Үкімет отырысында жаңа теміржол желілерінің құрылысы туралы мәлімдеді, деп хабарлайды Rail-news.kz.
Ол биыл жаңа теміржол салына бастағанын атап өтті. Олар:
-Мойынты-Қызылжар - 360 шақырым.
- Шілде айында ұзындығы 272 шақырым болатын Бақты-Аягөз желісін салу бойынша келісімшартқа қол қойылды.
«Тамыз айының соңына дейін 220 адам мен 90 техника жұмыс істейді. Кейін оның саны артады. Бұл Қытаймен арадағы өткізу қабілетті 25 миллион тоннаға арттыруға, ал 2030 жылға қарай барлық үш түйіспеде 100 миллион тоннаға дейін жеткізуге мүмкіндік береді. Достық – Мойынтының белгілі бір учаскелері кезең-кезеңмен тапсырылып жатыр. Осы жол мен Алматы айналма желісін жыл соңына дейін пайдалануға береміз. Дарбаза-Мақтаарал құрылысы кестеге сай жүруде, ол келесі жылы аяқталады», — деп қосты Талғат Алдыбергенов.