Wabtec және ҚТЖ Қазақстан өңірлерінің әлеуметтік дамуына инвестиция салады
«Қазақстан темір жолы» ҰК» АҚ делегациясының АҚШ-қа жұмыс сапары барысында Wabtec компаниясымен маңызды келісімге қол қойылды. Ұлттық компания бастамашы болған келісімнің мәні Қазақстандағы әлеуметтік жобаларды қаржыландыру болып табылады, деп хабарлайды Rail-news.kz.
Құжатқа ҚТЖ Басқарма төрағасы Талғат Алдыбергенов пен CEO Wabtec Corporation басшысы Рафаэль Сантана қол қойды.
Жобалар инженерлік және әлеуметтік инфрақұрылымды дамытуды қамтиды. Өңірлерге инвестициялар тұрғындар үшін жайлылық деңгейін арттырып қана қоймай, теміржол тораптары маңындағы әлеуметтік тұрақтылықты нығайтуға арналған.
«ҚТЖ үшін инфрақұрылымды дамыту және локомотив паркін жаңарту ғана емес, сонымен қатар темір жолдың маңында тұратын және жұмыс істейтін тұрғындарға нақты қолдау көрсету маңызды. Бұл – біздің Wabtec компаниясымен өңірлердің тұрақты әлеуметтік дамуына, темір жолы мен жас ұрпақтың болашағына қосқан бірлескен үлесіміз», - деп атап өтті Талғат Алдыбергенов.
Wabtec-пен бұл келісім тарихи, өйткені компания алғаш рет ҚР аумағындағы әлеуметтік жобаларға тікелей инвестициялар бағыттайды. Келісім локомотивтерді жеткізу мен қызмет көрсетуді ғана емес, сонымен қатар Қазақстанның әлеуметтік-экономикалық дамуына қосқан үлесін қамтитын компаниялар арасындағы ұзақ мерзімді стратегиялық әріптестіктің логикалық жалғасы болды.