Экологтарға арналған оқытуда қалдықтарды бөлек жинау мен жаңа кодекс нормалары талқыланды
Алматы қаласында «ҚТЖ-Жүк тасымалы» ЖШС филиалдарының экологтарына арналған оқыту іс-шарасы өтті, деп хабарлайды Rail-news.kz.
Бағдарлама шеңберінде мынадай түйінді мәселелер қаралды: Экологиялық кодекстің нормалары, оның ішінде мемлекеттік реттеу, кешенді экологиялық рұқсат алу, қоршаған ортаға эмиссиялар мониторингінің автоматтандырылған жүйесін енгізу және нормативтік-техникалық құжаттаманы әзірлеу.
Жеке блокпен эко-жаттықтырушы өткізген «Қалдықтарды бөлек жинау» тақырыбында мастер-класс өтті. Қатысушыларға қалдықтарды сұрыптауды ұйымдастыру және өндірістік объектілерде орнықты даму қағидаттарын енгізу бойынша практикалық құралдар ұсынылды.
Оқыту экологтардың кәсіби құзыреттілігін арттыруға және Компания қызметіне заманауи экологиялық тәжірибелерді тиімді енгізуге бағытталған.