ҚТЖ: Бейжіңде «Бақты – Аягөз» жобасының іске асырылу барысы талқыланды
«Қазақстан темір жолы» ҰК» АҚ Басқарма Төрағасы Талғат Алдыбергенов Чжан Биннан бастаған CCCC корпорациясы басшылығымен кездесу өткізді, деп хабарлайды Rail-news.kz.
Жұмыс қарқындылығын арттырудың және жобаны аяқтау мерзімдері бойынша іске асыру кезеңдерін сақтаудың маңыздылығы келіссөздердің негізгі тақырыбы болды. ҚТЖ Басқарма Төрағасы сондай-ақ жергілікті құрылыс компаниялары мен мамандарды тартудың және қазақстандық өндірушілерден құрылыс материалдарын сатып алудың ерекше маңыздылығын атап өтті. CCCC корпорациясының басшылығы жұмыстарды жүргізу кестесін сақтау және жобаны іске асыруға жергілікті компанияларды міндетті түрде тарту жөнінде қажетті шаралар қабылдауға сендірді.
Естеріңізге сала кетейік, 2025 жылдың тамыз айында «ҚТЖ» ҰК» АҚ мен CCCC еншілес құрылымы – China Harbor Engineering Company СО, Ltd компаниясы арасында EPC – келісімшартқа қол қойылған болатын.
«Бақты – Аягөз» жобасын іске асыру Қазақстан мен Қытай арасындағы өткізу қабілетін едәуір арттыруға мүмкіндік береді.