ҚТЖ ТХКБ бойынша тасымалдау жылдамдығын арттыру үшін жаңа логистикалық шешімдерді енгізуде
Транскаспий халықаралық көлік бағдарын (ТХКБ) дамыту шеңберінде «Қазақстан темір жолы» ҰК» АҚ контейнерлік тасымалдау жылдамдығын арттыруға бағытталған жаңа логистикалық тәсілдерді енгізуде, деп хабарлайды Rail-news.kz.
2026 жылғы бірінші тоқсан қорытындысы бойынша ТХКБ маршруты бойынша 125 контейнерлік пойыз жөнелтілсе, бұл өткен жылдың сәйкес кезеңі көрсеткішінен 34,4 % артық.
2026 жылғы қаңтардан бастап «4:3» және «3:2» қағидаты бойынша контейнерлік пойыздарды қалыптастырудың жаңа моделі енгізілді. Аталған модель теміржол және теңіз тасымалын синхрондауға және контейнерлік пойыздарды кеме партияларының астарына бірден қалыптастыруға мүмкіндік береді. Бұл жүктердің қосымша жинақталу қажеттілігін жояды және оларды өңдеу уақытын едәуір қысқартады.
Іс жүзінде іске асыру қазірдің өзінде нәтижесін көрсетіп отыр: жоба аясында контейнерлік пойыздардың 28 партиясы жөнелтілді. Тасымалдау Апшерон, Поти, Тбилиси, Мерсин және Измитті қоса алғанда, негізгі логистикалық хабтар бағытында жүзеге асырылады.
Сонымен қатар, жүк базасын қалыптастыру географиясы кеңейіп келеді. 2025 жылы жөнелтілімдердің шамамен 50 құраған Сианнан басқа, Қытайдың жаңа индустриалды орталықтары – Чжэнчжоу, Иу, Хэфэй, Ухань, Тяньцзинь, Шэньчжэнь, Гуанчжоу, сондай-ақ Дунцзячжэнь және Цзинань станциялары маршрутқа белсенді түрде қосылуда.
Бұл ҚХР-дың өндірістік және сауда кластерлері тарапынан еуразиялық логистиканың негізгі бағыттарының бірі ретінде ТХКБ маршрутына тұрақты қызығушылығын растайды.
Қол жеткізілген нәтижелерді және жеткізу мерзімдерін қысқартуды ескере отырып, «4:3» және «3:2» синхрондалған модельдерін қолдануды масштабтау және жыл бойы ТХКБ бойынша жөнелтулердің жүйелілігін қамтамасыз ету жоспарлануда.
