ҚТЖ және итальяндық DBA Group терминалдарды басқарудың цифрлық жүйесін енгізу бойынша таныстыру кездесуін өткізді
«ҚТЖ» ҰК» АҚ Басқарма төрағасы Талғат Алдыбергенов DBA Group итальяндық холдингтік тобының өкілдерімен танысу жұмыс кездесуін өткізді. Кездесуге «QazCloud» ЖШС және «Кедентранссервис»АҚ қатысты, деп хабарлайды Rail-news.kz.
Таныстыру әңгімесі Терминалды басқарудың инновациялық жүйесін (Terminal Operating System – TOS) енгізу бойынша пилоттық жобаны іске қосуға арналды. Кездесу барысында тараптар жобаның ағымдағы мәртебесін және интеграцияның техникалық аспектілерін талқылады.
DBA Group бағдарламалық жасақтамасын отандық «QazCloud»ЖШС операторының бұлтты инфрақұрылымына орналастыру жоспарлануда.
Озық АТ-шешімді тестілеуге арналған пилоттық алаң ретінде Алматы-1 негізгі терминалы болып анықталды. Ынтымақтастықтың басты мақсаты – терминалдық инфрақұрылымды автоматтандыру және ҚТЖ жүк хабтарының операциялық тиімділігін арттыру.
Кездесу қорытындысы бойынша тараптар өзара іс-қимылды бастауға және жүйені пилоттық пайдалануды іске қосуға дайын екендігін растады, оның табысты тәжірибесі болашақта Қазақстанның басқа терминалдарына да кеңейтілетін болады.
Анықтама:
DBA Group Ltd. – ірі инфрақұрылымдық объектілердің өмірлік циклін басқару үшін технологиялық консалтингке, сәулет-инженерлік жобалауға, жобаларды басқаруға және АКТ-шешімдерге маманданған тәуелсіз халықаралық холдингтік топ (Италия).