Табысқа үлесі бар

Жаңалықтар

08.12.2017, 15:05

Оқуға 2 мин

Жосалы мен Түркістан станциялары арасындағы 427 шақырымдық телім бойында белгі беру және байланыс құрылғыларының кідіріссіз жұмысымен пойыздардың қауіпсіз қозғалысын қамтамасыз ететін салалық мекеменің бірі Қызылорда белгі беру және байланыс дистанциясы. СОБ және байланыс құрылғыларына техникалық күтім жасау көрсеткішінде ұдайы жоғары бағамен жұмысын қорытындылайтын ұжымның қашан да мерейі үстем. Кәсіби жауапкершілігі жоғары, бірнеше жүздік байланысшылар ұжымын биыл Құрметті теміржолшы белгісімен марапатталған Әкімжан Қосанов басқарады. Аймақ бойынша Қазалы мен Қызылорда станцияларында орналасқан екі дистанцияда да соңғы жылдары заманауи технологиялар енгізіліп байланыс құрылғылары кезең-кезеңімен жаңалануда. Мәселен өкен жылдан қолданысқа енгізілген «Тетра» жүйесі мен заманауи сандық байланыс жүйесі технологиясы «Iskratel» құрылғысы мен 300 дана ІР телефонының өндіріске енгізілуі дистанцияның өндірістік жұмысын едәуір жеңілдетсе керек. Дегенмен жылжымалы құрамдардың қауіпсіз қозғалысын қамтамасыз ету үшін құрылғылардың күнделікті жұмысын қадағалап күтім жасау дистанция теміржолшыларының кәсіби жауапкершілігі. Ал кезегі келгенше ескіні жамап, жөнге келтіріп жұмысын ақсатпай пойыздың қозғалыс қауіпсіздігін сақтауға міндеттенген дистанция теміржолшылары барға қанағат етіп кәсіби міндетті мінсіз атқаруда. Байланысшылар ұжымының әрбір мүшесі дистанцияның табысына өз үлесін қосады. Мысалы, Қазақ тілі қоғамы мен БПҰ төрайымы Гүлсім Қосанова ұжымда өткізілетін барлық көпшілік-мәдени шаралардың ұйытқысы болса, дистанцияның техникалық құжаттарын ретке келтіретін Ақшагүл Күрбенова басқаратын техбөлім – мекеменің жүрегі сынды. Ал өндірістік бөлімдегі байланыс құрылғыларының схемасын сызу, техқұжаттарын әзірлеу секілді инженерлік сызба жұмыстарымен айналысатын инженерлер Нұрлан Аймахан мен Ақмарал Калиевалардың еңбегіне телім бойында жүретін барша электроментерлер мен электромеханиктер де риза.

Табысқа үлесі бар

Басқа да жаңалықтар

Қазір оқылуда

Қазақстан теміржолшысы газеті, №80 09 қазан 2026 жыл