Кәсіподақтың араласуымен теміржолшылардың әлеуметтік мәселелері шешілуде
«Қазақстандық салалық теміржол көлігі қызметкерлерінің кәсіби одағы» ҚБ – көлік саласы қызметкерлерінің еңбек, әлеуметтік-экономикалық құқықтары мен мүдделерін қорғайтын Қазақстандағы ірі қоғамдық бірлестік.
«Қазтеміржолкәсіп» қоғамдық бірлестігі Қазақстан Кәсіподақтар федерациясының тең құқықты мүшесі болып табылады. Өз жұмысын Қазақстан Республикасының Конституциясына, Қазақстан Республикасының Заңдарына, халықаралық құқықтың жалпы қабылданған нормаларына және Кәсіподақ Жарғысына сәйкес жүргізетін Сала Кәсіподағы жұмыс берушілермен өзара қарым-қатынаста көлік қызметкерлерінің мүдделерін білдіреді, еңбек жағдайларының, өндірістегі қауіпсіздіктің сақталуын қадағалайды және әлеуметтік мәселелерді шешуге қатысады.
Бүгінде «Қазтеміржолкәсіп» қоғамдық бірлестігі 12 филиалды, 15 жергілікті кәсіподақты және 300-ден астам бастауыш кәсіподақ ұйымдарын біріктіреді. ҚТЖ мен оның филиалдары қызметкерлерінің 90%-ға жуығы кәсіподақ мүшелері болып табылады.
Теміржол саласында еңбек ететін жұмысшы қызметкерлердің әлеуметтік құқықтары мен мүдделерін білдіру және қорғау бағытында Сала кәсіподағының жетістігі аз емес. «Самұрық-Қазына» ұлттық әл-ауқат қорының зерттеуі бойынша 2025 жылы Кәсіподаққа жүгінген 87,8% жұмысшы-қызметкерлердің мәселесі оң шешімін тапқан.
Жыл сайын Кәсiподақ есептi жылдың соңында Жұмыс берушiге жалақыны болжамды инфляциядан жоғары деңгейге индексациялау қажеттiгi туралы ұсыныс жасайды, Жұмыс берушi қаржылық мүмкiндiктерiне қарай жалақыны көтеру мөлшерiн айқындайды. 2021 жылдан бастап 2025 жылға дейін Кәсіподақтың тікелей қатысуымен Компания жалақыны арттыру бойынша орасан зор жұмыс жүргізді, индексациялау жыл сайын жүргізілді, ал 2021-2022-2023 жылдары бірнеше рет жүргізілді, нәтижесінде қазіргі уақытта Компания қызметкерлерінің орташа жалақысының мөлшері Қазақстан Республикасы бойынша орташа жалақыдан жоғары.
Кәсіподақ ҚТЖ-мен әлеуметтік әріптестік шеңберінде өзара тығыз байланыста жұмыс істейді. Жұмыс берушінің ұсыныстары кәсіподақ мүшесі болып табылатын жұмысшы-қызметкерлердің мүдделеріне сай болуы үшін әрекет ету – Сала Кәсіподағының басты ұстанымы.