Вокзал ғимараттары күтімге алынуда

Жаңалықтар

16.01.2018, 14:21

Оқуға 2 мин

Кез-келген ірілі-ұсақты елді мекеннің басты қақпаларының бірі - теміржол вокзалдары. Оның заманауи тұрғыда әрленіп, көз тартымды халде болуы қазіргі уақыт талабы. Бұған дейін дербес құрылым ретінде жұмыс жасап келген вокзал қызметі Қызылорда магистральдық желі бөлімшесіне кіріктірілгелі үлкен өзгеріс орын алуда. Қазіргі таңда Сыр бойындағы вокзалдардың жұмысына, бөлімше телдімдеріндегі жолаушыларға қызмет көрмсету пунктерінің талап негізінде жолаушыларға қызмет жасау тұрмыс-тіршілігіне бөлімше директорының вокзал шаруашылығы бойынша орынбасары Жандарбек Өтегенов басшылық жасауда. Бөлімше бойынша вокзал шаруашылығы бойынша атқарылған жұмыстар жайын шаруашылық басшысы мәлімдеп, алдағы күнде атқарылар жұмыстар жайын баяндаған болатын. -Өткен жылы бөлімшенің жеке шаруашылығы есебінен ірілі-ұсақты бірнеше станциядағы теміржол вокзалы ғимараттарына бірнеше маңызды жұмыстар атқарылды. Мұндай ақпараттар дер кезінде көпшіліктің құлағдар болуына мүмкіндік жасалып салалық газетте ақпарттар берілді. Мәселен көктем айларында шаруашылық есебімен 500 бен 7800 шаршы/метр көлемдегі Төретам, Жаңақорған, Сексеуіл, Жосалы, Арал теңізі, Қазалы, Шиелі және Қызылорда сынды сегіз вокзалда ағымдық жөндеу жұмыстары жүргізілді. Және де осы жұмыстарды атқару барысында ғимараттардың фасадты-хас бетімен қоса ішкі бөліктеріндегі жөндеу қажет ететін бөліктеріне де жөндеу, күтім шаралары жасалды,-дейді вокзалдар бойынша атқарылған жұмыстар жайлы бөлімше директорының вокзал шаруашылығы бойынша орынбасары Жандарбек Өтегенов. Сонымен қатар жөндеу жұмыстары кезінде барлық вокзалдардың қоршауларын әкпен ақтау, қоқыс жәшіктерін, клумб қоршауларын сырмен бояужұмыстары атқарылып жолаушыларға қызмет көрсететін вокзалдардың ішкі-сыртқы жағдайы қанағаттанарлық дәрежеге келтіріліпті. Мұнан бөлек Арал теңізі, Қазалы, Шиелі, Қызылорда және Жаңақорған теміржол вокзалдарындағы жаяу жүргіншілердің 31 дана өткел жолы жөнделіп, күтімге алыныпты. Ғасырдан аса тарихы бар Қызылорда станциясының теміржол вокзалының пандустарын стандарттық талапқа сәйкес келтіріп кемшілікті жою үшін Қызылорда магистралдық желі бөлімшесі тарапынан жұмыстар атқарылыпты. Мүгедектерге арналған пандустарды стандартқа сай етіп ретке келтіру жұмыстарына қажетті қаражатты бөлімше басшылығы шаруашылық негізінде тауып мүмкіндігі шектеулі азаматтардың еркін жүріп-тұру жағдайларын қамтамасыз етуге 500 метр сым, 3 тонна цемент, 15 тонна қиыршық тас және 10 килограмм сырлы бояу жұмсаған. Сонымен қатар облыс орталығындағы вокзал ғимаратының жылыту жүйесіне күрделі жөндеу жұмыстары жасалған. -Ағымдағы жылы Жосалы станциясындағы теміржол вокзалы шатырына жөндеу жұмыстары жасалып Қызылорда, Қазалы және Жосалы вокзалдарының қасбеті шаруашылық әдісімен жөнделетін болады,-дейді Жандарбек Өтегенов. Осылайша, алдағы уақытта бөлімше есебіне кіріктірілген ғасырдан тарихы бар көне жәдігерлік ғимараттар заманауи сәулетке енгізіліп онда жолаушыларға қызмет көрсету сапасы арта түспекші.

Вокзал ғимараттары күтімге алынуда

Басқа да жаңалықтар

Қазір оқылуда

Қазақстан теміржолшысы газеті, №80 09 қазан 2026 жыл