Тараздық түлектерге сұраныс жоғары

Жаңалықтар

20.02.2018, 12:27

Елбасы Нұрсұлтан Назарбаев «Қазақстан жолы-2050: Бір мақсат, бір мүдде, бір болашақ» атты Қазақстан халқына Жолдауында: «Еңбек нарығы талаптарына сәйкес техникалық және кәсіптік білім беру жүйесінде бәсекеге қабілетті кадрларды дайындау қажет» деп атап көрсеткен болатын. Ал Елбасы саясатын жүзеге асыруда 85 жылдық тарихы бар, талай теміржол тарландарын ұшырған облыс орталығындағы №13 Тараз теміржол колледжінде жұмыс жүйелі жүруде. Өткен аптада колледж директоры Нұржан Нұралиев өткен жылы атқарған жұмыстары бойынша есеп берді. 2014-2015 оқу жылында оқу корпустары күрделі жөндеуден өткен колледжде 2015 жылы 100 студентке арналған жатақханада бой көтерген. Ал 2017-2018 оқу жылында колледжде 671 студент білім алып жатыр. Білім ордасында: «Теміржол жылжымалы құрамдарын пайдалану және жөндеу,техникалық қызмет көрсету» біліктілігі бойынша – «Электровоз машинисінің көмекшісі», «Вагон қараушы» мамандықтары, «Теміржол көлігіндегі автоматика, телемеханика және қозғалысты басқару» біліктілігі бойынша – «Сигнал беру, орталықтандыру және бұғаттау құрылғыларына қызмет көрсету және жөндеу электромонтері» мамандықтары, «Теміржол көлігімен тасымалдауды ұйымдастыру және басқару» біліктілігі бойынша – «Теміржол стансасының кезекшісі» мамандары даярланады. – ҚР Үкіметінің 2016 жылғы 29 желтоқсандағы №919 қаулысымен бекітілген Нәтижелі жұмыспен қамту және жаппай кәсіпкерлікті дамытудың 2017-2021 жылдағы бағдарламасы бойынша «Тамақтандыруды ұйымдастыру» біліктілігі бойынша – «Аспаз» мамандығына 25, «Токарлық іс және металл өңдеу» біліктілігі бойынша «Токарь» мамандығына 25 студент қабылданды. Ал 11-сынып негізінде «Теміржол жылжымалы құрамдарын пайдалану және жөндеу,техникалық қызмет көрсету» біліктілігі бойынша «Электровоз машинисінің көмекшісі» мамандығына 25 студент қабылданды. Колледж 31 әлеуметтік серіктестермен бірлесіп жұмыс атқарады. Олардың ішіндегі ірі мекемелер – ЖТ-Жамбыл бөлімшесі, Тараз локомотив жөндеу депосы, Жамбыл локомотив пайдалану депосы, Жамбыл белгі беру және байланыс дистанциясы, Жамбыл жол дистанциясы сынды темір жол мекемелері. 2017 жылы «Белгі беру, орталықтандыру, блоктау электромонтері» мамандығын дуальды оқыту жүйесін енгізу мақсатында Жамбыл белгі беру және байланыс дистанциясымен меморандум жасалынды. Оның қатарында арнайы пән оқытушысы Ж.М.Тайбеков «Техникалық және кәсіптік білімді дамыту және біліктілікті берудің республикалық ғылыми-әдістемелік орталығы» АҚ «Темір жол жылжымалы құрамдарын пайдалану, жөндеу және техникалық қызмет көрсету» мамандығы бойынша «Жылжымалы құрам құрылымы» – «Структура подвижного состава» оқу әдебиеттерін сынақтан өткізуші сертификатымен марапатталғанын мақтаныш етеміз. Өткен жылы колледж аумағынан Елбасының «Болашаққа бағдар, рухани жаңғыру» бағдарламалық мақаласының негізінде «Түлектер аллеясын» аштық. Оны еліміздің түкпір-түкпірінде еңбек етіп жүрген түлектеріміз өздерінің бас қосатын орнына айналдыруды ниет етті. Бұл кешегі мен бүгінгінің байланысы, ұрпақтар сабақтастығы деп ойлаймын, - деген колледж директоры Нұржан Тоқбергенұлы тараздық оқу орны түлектеріне сұраныс жоғары екенін мақтанышпен жеткізді.

Тараздық түлектерге сұраныс жоғары

Басқа да жаңалықтар

Қазақстан теміржолшысы газеті, №65 18 тамыз 2026 жыл