«Қанағаттанарлық» деп бағаланды

Жаңалықтар

23.02.2018, 11:47

Қызылорда ЖТ бөлімшесінің мәжіліс залында бөлімше кәсіподағы төрағасы аймақ теміржолшыларының алдында бір жыл ішінде атқарған жұмысының есебін беріп, көпшіліктің сын пікірін тыңдады. Кәсіподақ төрағасы Мұхтар Көпірбаевтың есебін тыңдауға бөлімше директоры Аманкелді Арысбаев, Қазкөліккәсіп филиалы төрағасы Өмірбек Жүсіпов, мекемелердің кәсіподақ ұйымы жетекшілері және бөлімшеге қарасты мекеме басшылары мен теміржолшылар қатысты. Кәсіподақ ұйымы төрағасының жұмысына байланысты бөлімше директоры да оң бағасын беріп, ұсыныс-пікірін білдірді. – Бөлімшеде, оған қарасты филиалдарда еңбек ететін кез келген теміржолшы, кез келген қызметкер, мейлі ол қандай мамандық иесі болмасын, ешкімді бөліп-жарып қарамаймыз, бәрі де өзіміздің әріптесіміз. Әрбір жан атқарған жұмысына байланысты құрмет көруге, тиісті жеңілдікті пайдалануға құқылы. Сондықтан, жұмыс беруші мен жұмысшы арасындағы қамқоршы және дәнекер болып жұмыс жасайтын кәсіподақ ұйымы өкілдерінің ролі айрықша болуы керек. Жұмыс болғаннан кейін қиыншылық, түсініспеушілік, шешімі табылуы тиіс сұрақтар болып тұрады, осындай келеңсіздіктердің дер кезінде оңтайлы шешімі табылуы үшін ынтымақ шеңберінде жұмыс жасауға тиіспіз, - деген Аманкелді Арысбаев бөлімше кәсіподағы ұйымы төрағасы Мұхтар Өмірзақұлының атқарған жұмысына қанағаттанрлық баға берді. Жиын барысында бөлімше теміржолшыларының арасында кәсіби міндетін мінсіз атқарумен қатар қоғамдық жұмыстарға белсене араласып, өз ісімен өзгелерге үлгі болып жүрген кәсіподақ ұйымының үздік қызметкері Ербол Сембиев ҚБ атынан жылдың «Жас кәсіподақ қызметкері» аталымы бойынша дипломмен марапатталды.

«Қанағаттанарлық» деп бағаланды

Басқа да жаңалықтар

«Қазақстан теміржолшысы» газеті, №60 23 шілде 2024 жыл