Өзен-Жетібай: күшейтілген орташа жөндеу басталды

Жаңалықтар

27.02.2018, 11:19

Өткен жылы Маңғыстау магистральдық желі бөлімшесіне тиесілі аумақта бірқатар құрылыс және жөндеу жұмыстары жүріп, оның ішінде ілкімді жобалар да іске асырылған еді. Мысалы, былтыр "Жетібай-Қарақия" бойынша 20 км жолға күшейтілген орташа жөндеу жұмыстары жүргізілді. Яғни, Р43 типті рельс Р65 рельсіне ауыстырылды. Жаңадан салынған Бейнеу-Тассай телімінде – 283,3 км, Боржақты-Ерсай аралығында 15,5 км жол қабылданды. "Жезқазған-Бейнеу" жобасымен салынған теміржолды электр энергиясымен үзіліссіз жабдықтау үшін кернеулігі 10 кВ, ұзындығы 287,8 км құрайтын автоблокировка АБ әуе желілері, электр қондырғылары және оларды қоректендіруші парк "Б", "Сам", "Тұрыш", "Жарқұм", "Құрсай" пункттері қолданысқа берілді. "Боржақты-Ерсай" телімі бойынша ұзындығы 14,5 км, 10 кВ кернеулі электр әуе желілері, электр қондырғылары, объектілер дистанцияның өндірістік пайдалануына берілді. Осы қондырғылар мен объектілерді пайдаланып, қызмет көрсетуін жүзеге асыру үшін жаңадан жұмыс орындары ашылды. Нәтижесінде өткен жылы КТСМ құрылғыларымен 65 мың 117 пойыз тексеріліп, ол алдыңғы жылдан 246 бірлікке артқан. – 2017 жылы дистанцияларға қатысты басты жаңалықтарға қысқаша тоқталсақ, Атырау электрмен жабдықтау дистанциясынан ұзындығы 84 км, кернеулігі 10кВ әуе желілерін, электр қондырғылары бар Боранқұл-Құлсары аралығындағы учаскені өз дистанциямызға қабылдадық. Байланыс және белгі беру дистанциясы бойынша СОБ құрылғыларының жұмыстары 2016 жылғымен салыстырғанда өте жақсы көрсеткіштерді көрсетті. Боржақты-Ерсай теміржолының іске қосылуына орай 14,6 км жүйе қолданысқа берілді. Дистанция бүгінде 729,7 шақырымға қызмет көрсетеді, – дейді Маңғыстау магистральдық желі бөлімшесінің директоры Мұхтар Бақтыгереев. Директордың мәліметінше, ағымдағы жылғы межеге сәйкес, бүгінгі таңда да ауқымды жұмыстар жалғасуда. Өзен-Жетібай станциялары аралығындағы 118-138 шақырымда 20 шақырымдық күшейтілген орташа жөндеу жұмыстары басталған. Алдағы уақытта №№5,6,11,12,15,16 разъездер аралығындағы 72 шақырымға күрделі жөндеу жүргізу жоспарланған.

Өзен-Жетібай: күшейтілген орташа жөндеу басталды

Басқа да жаңалықтар

Қазақстан теміржолшысы газеті, №65 18 тамыз 2026 жыл