Әріптеске көмектесу – парыз

Жаңалықтар

30.03.2018, 17:27

Оқуға 2 мин

Қызылорда ЖТ бөлімшесінің директоры, «Теміржол» филиалының төрағасы Аманкелді Арысбаев наурыз айындағы кезекті қоғамдық қабылдауын «Бақытты отбасы – бақытты балалық шақ» жобасы аясында өткізді. Қабылдау комиссиясының мүшелері қатарында Қызылорда магистаральдық желі бөлімшесі директорының орынбасары Жандарбек Өтегенов, Жолаушылар тасымалы «Батыс» филиалы өкілі Асқар Исалин, бөлімшенің персоналмен жұмыс бөлімі басшысы Нұрлан Бимұратов, кәсіподақ ұйымы төрағасы Мұхтар Көпірбаев және партия филиалы төрағасының орынбасары Базара Танбаевалар қабылдауға тіркелгендердің сауалдарын тыңдап, олардың оңтайлы шешілуін қарастырды. Бұл жолы өткізілген қоғамдық қабылдауға тіркелгендер арасында өткен жылдың соңында баспанасы өртеніп, далада қалғанда әріптестерінің қамқорлығының арқасында иыққа түскен ауыртпалықтың жеңілдегенін сезінгені үшін алғыс білдіруге келген Сексеуіл локомотив пайдалану депосының машинисі Өмірхан Қариев пен өзі жолсапарда жүргенде үйі тілсіз жаудың құрбаны болған жолсерік Гүлжан Сералиевалар арнайы келіпті. Олар тосын жайдың әсерінен баспаналарынан айрылғанда қолдап көмек берген әріптестеріне, оларға ұйытқы болған бөлімше басшысы Аманкелді Қонысбайұлы Арысбаевқа арнайы алғыс айта келіпті. – Алты баламмен баспанасыз қалғанымда көптеп көмектесіп әріптестерім жиналып, қол ұшын созуға ұмтылды. Балалардың бәрі өрттен дін аман қалғанының өзі олжа, дегенмен қиын шақта қолтығымнан демеген әріптестеріме мың алғыс, – дейді . Еске сала кетсек, өткен жылы осындай екі тосын жағдай орын алғаннан кейін, бөлімше басшысы шұғыл кеңес отырысын өткізіп, болған жағдайды таразылап, мекеме басшыларына әркім қарым-қабілетінше көмек беруін өтінген болатын. Нәтижесінде қалыс қалған ешкім болмады, аймақ теміржолшылары 680 000 теңге көлемінде қаражат жинап, ол қаржы үйсіз қалған екі әріптестеріне теңдей бөлініп берілген болатын. «Көп түкірсе – көл» деген осы. Бұл жолы да түрлі әлеуметтік сұрақтармен қоғамдық қабылдауға келгендердің өтініштері тыңдалып, олардың жағдайға қарай шешілу жолдары қарастырылды. Қызылорда теміржолы басшылығының қоғамдық қабылдауды дәстүрге айналдырғаны халықтың да көңілінен шығып отыр.

Әріптеске көмектесу – парыз

Басқа да жаңалықтар

Қазір оқылуда

Қазақстан теміржолшысы газеті, №80 09 қазан 2026 жыл

Қазақстан теміржолшысы газеті, №79 06 қазан 2026 жыл