Сыбайлас жемқорлыққа жол жоқ

Жаңалықтар

29.05.2018, 12:08

Оқуға 2 мин

Семей ЖТ бөлімшесінде сыбайлас жемқорлыққа қарсы кеңестің кезекті отырысы болып өтті. Кеңеске бөлімше директоры Марлен Көкірекбаев төрағалық етті. Жиынға құзырлы орындар жетекшілері, станциялар мен бөлімдер басшылары, қалалық «Нұр Отан» партиясы филиалының төрайымы, жүк жөнелтуші клиенттер, яғни, аймақтағы іргелі өнеркәсіп орындары мен серіктестіктердің өкілдері қатысты. – Мемлекеттік саясаттың басымды бағытын құрайтын сыбайлас жемқорлық фактілеріне жол бермеу мәселесі іргелі ұжым ретінде ұлттық компанияның да негізгі міндеттемелерін құрайды. Бұл орайда «Қазақстан Республикасының 2015-2025 жылдарға арналған сыбайлас жемқорлыққа қарсы стратегиясын іске асыру» бойынша іргелі шаралар жүзеге асырылып жатыр, – дей келе Марлен Кәрімұлы жүргізілген жұмыстарға кеңінен тоқталып өтті. Мәселен, салалық қызметке жұмысқа қабылдау, жүк жөнелтуші клиенттермен жұмыс т.б. бойынша «бармақ басты, көз қыстылыққа» жол бермеуде елеулі шаралар бар. Бұл ретте, алаяқтық фактілерінен бастап, сыбайлас жемқорлық көріністерінің алды алынуда. Басқосуда бөлімше басшысы Жаңасемей станциясынан жасақталатын жүрдек Шаттл пойызының тиімділігі, заманауи тұрғыдағы келісімді коммерциялық жұмыстың автоматтандырылған басқару жүйесіне қатысты мәселелер де кеңінен сөз болды. Десек те, жиынның өзегі бөлімше басшысы Марлен Көкірекбаев айтып өткен жүк жөнелтуге тапсырыс беруші клиенттердің құқығын қорғау мәселесіне қатысты еді. Бұл ретте, Семей жүк тасымалы бөлімшесі бойынша өткен жылдың шілде айынан бастап коррупциялық нышаны бар әрекеттерге жол бермеу мақсатында арнайы сенім телефоны және «Semtemirzhol@mail.ru» электронды поштасы тұрақты түрде жұмыс істейді. Сонымен қатар, жиын барысында сөз алған қалалық «Нұр Отан» партиясы филиалы төрағасының бірінші орынбасары Зульфия Жамалтдинова бүгінгі таңдағы жемқорлықпен күрестің қоғамдық негіздемесіне тоқталды. Жалпы, бүгінде басым көпшілігі «Нұр Отан» партиясының мүшелері болып табылатын семейлік теміржолшылар жемқорлыққа қарсы іс-қимыл мәселелерін ширатуды, сондай-ақ, партия бағдарламасы аясында аталмыш міндеттің кез келген көрінісіне мүлдем төзбеушілік ахуалын қалыптастыра отырып, бүкіл қоғамды жемқорлық әрекеттеріне қарсы қозғалысқа тартуды маңызды деп санайды.

Сыбайлас жемқорлыққа жол жоқ

Басқа да жаңалықтар

Қазір оқылуда

Қазақстан теміржолшысы газеті, №80 09 қазан 2026 жыл

Қазақстан теміржолшысы газеті, №79 06 қазан 2026 жыл