Шұғыл тежеу көп
Матай локомотив пайдалану депосында шұғыл тежегіш басу жайттары артып отыр. Мысалы, өткен жылы машинистер 129 шұғыл тежегіш қолданған, ал оның алдыңғы жылы локомотив бригадалары 111 рет шұғыл тежегіш басқан.
Шұғыл тежегіш басу себептері әртүрлі: басудың алдын алу – 82 жағдай, жолдағы мал – 75 жағдай, 29 – басу оқиғасы. Жолдағы адам – 7 оқиға, басу –1 оқиға.
Осы жағдайларды ескере келе, депода пойыздар қозғалысының қауіпсіздігін қамтамасыз етуге бағытталған іс-шаралар әзірленді. Автотежегіштерді басқару жөніндегі локомотив бригадаларының, инженерлердің жылдамдық өлшегіш ленталарды, тіркеу кассетасын таратып жазу бойынша бұзушылықтарды болдырмау үшін «Жылжымалы құрамның тежегіштерін пайдалану жөніндегі нұсқаулық» талаптарының орындалуына тұрақты бақылау жүргізілуде. Пайдалану жұмысын жақсартуға бағытталған барлық ұйымдастыру-техникалық іс-шаралар атқарылуда.
Депо бастығы Нұрлан Есболовтың айтуынша, машинистердің рапорттары бойынша ақпараттарды қатысы бар ұйымдарға дер кезінде жіберуге күнделікті бақылау, локомотив бригадаларының командалық-нұсқаушы құраммен және өртке қарсы қауіпсіздік мәселелері бойынша басқа да қызметтермен өзара іс-қимыл жасау тәртібі белгіленген.
– Командалық құрам локомотив бригадаларының ТПЕ, ИСИ, ИДП талаптарын, қолданыстағы нұсқаулықтар мен бұйрықтарды орындауын тәулік сайын бақылауды, сондай-ақ локомотив бригадаларының сағаттарының айлық өндірілуін реттеуді бақылауды белгілеген, – дейді депо бастығы.
Әдетте локомотив бригадаларының бұзылуының барлық жағдайлары техникалық сабақтарда және жоспарлы кеңестерде пысықталады, техникалық бюллетеньдер шығарылады, локомотив бригадаларын локомотивтерде, БӨА орындау кезінде көрсете отырып, практикалық оқыту жүргізіледі. Сонымен қатар, депо басшылығы, локомотивтерді жөндеуді бақылау бөлімі және оқыту жөніндегі машинист-нұсқаушылар тарапынан бақылау күшейтілген.
Қай уақытта болмасын Матай депосы мықты техникалық кадрларымен, локомотив шаруашылығындағы ең бейінді кәсіп – машинистерімен танымал, сондықтан да мұнда кадрларды даярлауға айрықша көңіл бөледі. Локомотив бригадалардың барлық сериядағы локомотивтерге қызмет көрсету және пайдалану тәртібін меңгеру үздіксіз жүргізіледі.
Елена ҚОЛДАСБАЕВА, Алматы